30 July 2016

Amy

~~Amy - [2016]~~

十多分鐘的短片,想法及氣氛控制也不錯,而且很多時鏡頭位置及處理令到此片緊張懸疑感加強,值得一看的驚慄短片

[29/07/16]
Photo Link

29 July 2016

Cadaver

~~Cadaver(屍體) - [2012]~~

7分鐘的短片,醫學生與屍體的故事,不是恐怖片而更像是愛情公路電影,詩一樣的旁白訴說著老爺爺的愛情故事,故事中的表情活靈活現,歌亦很不錯,可一看

[29/07/16]

Paperman

~~Paperman - [2012]~~

又是愛情短片,男的很日本,女的很美國,故事浪漫奇情化,但就過於大路及普通,而且一直飛呀飛的紙飛機,垃圾滿天飛呀,不爽

[29/07/16]
Photo Link

The Last Key

~~The Last Key - [2013]~~

非常短而簡單的愛情故事,過往的溫馨與生命盡頭的取捨,其實我不大愛看愛情片,所以這個就不是我杯茶吧

[29/07/16]
Photo Link

Get Out

~~Get Out - [2010]~~

幽默的法國短片,類似精神病患的格局,安逸於comfort zone,當中是美好溫暖安全,結局的解說相當聰明而溫馨,法國人的小點子

[29/07/16]
Photo Link

Ward 13

~~Ward 13(13號病房) - [2003]~~

相當cult及暴力的短片,泥膠卡通一直可以是非常好用作此類電影的製作材料,故事開初已很有Tenant的感覺,之後除了cult及暴力外,黑色懸疑感亦相當豐富,很爽很快速的節奏,十分出色的短片,喜歡

[29/07/16]
Photo Link

The Lost Thing

~~The Lost Thing(失物招領) - [2010]~~

畫不錯,故事簡單而且比較平淡,很容易令人有沉悶的感覺,說的除了對身邊一切異常之包容及希冀美好的善良外,也是對於失去孩童簡單純真的思念,可一看

[29/07/16]
Photo Link

YUZU ASIA TOUR 2016

九展MUSIC ZONE,6點幾到,門口有賣T-SHIRT毛巾既檔口,衫150蚊,算平,買左件,入場

場地唔大,前面已好多人,企左陣,諗諗起先記起自己買左貴飛(780,可能位唔多10MIN連580都已賣晒,好彩一早夠鐘即LOG入去買,成功),比飛SECURITY睇就再入前排ZONE,前面有大約7-8行人度,位置還可以

7點開場,佢地既暖場居然係做體操,但地方有限有困難,不過幾有趣,之後就有短片睇就正式開場,場地佈置簡單,以歌為主,第2首已經係sayonara bus,之後大約唱左一個鐘度就休息左陣,係tour既主角馬騮入場,又係教觀眾跳下舞咁,再開始唱過,唱完每首歌都會鞠躬,果真日本人既習慣

之後又有毛巾操,都幾互動, 北川咁多年個樣都可以咁細個,真保養得好,成場都好high,而且可以用手機,不過其實唔算多人影,最後差唔多成2個鐘先完,足本啦,不過係九展唔好無得放低野,要人揹住野企係度睇2粒鐘,幾倦

[12/07/16]
Photo Link

The Boy with a Camera for a Face

~~The Boy with a Camera for a Face(攝像機男孩) - [2016]~~

英國短片,表面上怪異實質是現今世界的縮影,窺看探視他人生活,忽略身邊每事每物,只透過螢光幕去看所謂的世界,荒涼暗淡淒愴,何其可悲,此片除背後意義外,拍攝也可一讚,不錯

[29/07/16]
Photo Link

28 July 2016

The Devil's Castle

~~Le manoir du diable(The Devil's Castle,魔鬼莊園) - [1896]~~

梅里愛果然是一個魔術師出身的人物,此片譽為世界上首部恐怖片,發佈於1896年,以現今的準則當然算不上什麼恐怖,此片以跳接為主,加上簡陋的佈置及道具,但故事還算完整及吸引力不弱,百多年前的作品,非常不錯啦

[27/07/16]
Photo Link

11 July 2016

汕頭開埠尋跡 - Day.01b(19Apr14)

貳零壹肆年拾玖日 - 汕頭開埠尋跡


行到尾仲有一個相當吸引既百貨大樓,頂樓既鐘樓窗同騎樓既雕花等等實在非常靚,但日久失修唔知最終命運係霖左定比政府拆左黎新發展了,雖然佢外圍既地灘仲好熱鬧下,但好有一種蒼涼既感覺,依度真係好有5-60年代既feel

睇完晒野就去酒店check in同放低行李了,我地住既係華僑大廈,當年好出名既地方,不過加下已經好舊了,我還好啦,佢出面係香港上汕頭直通車站,都真係幾方便wor

食飯係酒店入面既酒樓,味道唔差仲有少少海鮮食,食完休息左陣9點幾就出去行下夜市,好近既地方,叫華橋新村路步行街,不過聽講好多小偷所以我都無揹背囊出去,而且仲好多電單車左穿右插,都幾難過馬路,同越南有d,不過佢地當然無越南既單車技術咁好,而且依度仲加埋一d私家車又或者大車,又有單車人力車tuktuk等等,雖然無金邊四方八面都有車,但其實都幾危險下,仲要好多電單車係無車牌既,比佢撞到都唔知邊度搵佢,

可能星期六而且又係最旺既鐘數(9-11),所以都幾熱鬧,至於檔口,同台灣差唔多,不過條街當然污糟好多倍啦,成地垃圾行行下仲見到隻好大既死老鼠係條街度,但我還可接受啦,野食有好多叫可麗餅既東西,好大個我好少食,其他無咩特別想食既野,最後食左個叫武松煎餅既東西,5蚊又幾抵仲要幾好食,食左少少生果,用竹籤穿住一串串咁,食左菠蘿同桃(3),甜甜地幾好食,最後飲左桑子汁(好似當造),都唔錯,而且依度食野都好平下,雖然仲有d串燒同宵夜檔口,但因太飽無食到,行埋之後一條街,同普通步行街無咩分別(大陸條條步行街都差唔多),都係賣下衫賣下鞋咁無野岩我,不過依度d人中意放張木台係鋪出面飲下功夫茶咁,人來人往下咁寫意個對比都算有趣,睇完十一點左右就上番房沖涼番覺了,不過依度d車好嘈成日亂咁響鞍,醒訓既人都幾慘,


[19to21/04/14]
Photo Link <<<<<<<<<<<<<

10 July 2016

汕頭開埠尋跡 - Day.01a(19Apr14)

貳零壹肆年拾玖日 - 汕頭開埠尋跡


幾日公眾假期跟海濱去左汕頭, 主題係汕頭開埠尋跡,本身未去過潮汕,根本連邊度打邊度都唔知,不過事前就係google map mark底左d地方,算係有個少少概念啦

19號一早8點到福田口岸集合,因一連幾日假既關係, 非常多旗非常多人,不過之前已去過依度幾次所以食埋個早餐先到集合地點,但又例牌有人遲到,而且太多車,所以要行成十分鐘先到上車地點,開車已經差唔多89

坐車上汕頭真係非常遠,比去惠東還遠,總共坐左4個幾鐘,真係腰都直埋,因安排既關係,先到達濠食lunch同睇完野先入番汕頭市,差唔多到成2點先食lunch,係食潮州牛丸,成條街都係賣牛丸既,我地食果間叫蒂蒂香魚丸,有個牌寫廣東老字號,有時ed野好虛既好唔好食先係重點,可能時間太晏既關係,人唔算多,d丸或食物同香港唔同,不過味道一般,d粉仲要好鞋,另有d甜或咸既煎包,好味唔講得當係未食過試下啦,而且價錢都唔平,有時旅行團就會係咁

食完就去達濠古城,非常細既古城,只有一個半足球場咁大,清朝既東西但因本身係漁港雖然位置重但當地人不太重視,所以只係象徵式起左個非常矮城牆同兩個城門,範圍仲非常細,雖然加下留落黎既野無咩特別,但算係一個有趣既古城

睇完就直接入汕頭市,開車入市前先見到沙汕頭再入就見d舊建築物,有個好似油麻地戲院既東西,再行就見好多又舊又殘但又非常大座既舊樓,對於我依d中意舊東西既人黎講都幾吸引下,anyway,我地先到開埠文化陳列館睇,建築物係歐洲式建築,入到去見到好靚既樓梯,至於當中既展品,我興趣不大,反而一d舊相感覺幾似香港舊時既建築物,我地黎依度既原因,亦因為汕頭同香港有差不多既時期,都係百幾年歷史既城市,而且又有歐洲人涉足,所以黎依度睇個關係同對比

睇完出左去睇下外馬路原郵政局同永平酒樓舊址,後者已經爛晒但之前陳列館睇相好大座好靚,而政局呢就番新過而且仲用緊,當然係好熟口面既歐陸式建築啦

睇完因本身想去既僑批文物館已經關左門,所以就要求去睇附近有小公園之稱既汕頭騎樓建築,太好了,本身個planning係有多時間先去,雖然僑批文物館係展示當時在外工作既華僑寄錢同寫家書係背後既一封封展品,但睇唔到亦唔算太可惜(因每信一個故事,要好多時間慢慢睇先得)

一路行一路覺得感覺良好,雖然真係好舊同好殘,而且好多都已列為危樓,但因汕頭發展不太好,所以係中國一個拆樓非常快既地方仲比我地見到d舊野,真好,當中一座座既舊樓,d似係香港所剩無幾可能得番一至兩個鋪位咁大既舊樓同騎樓,而依度呢就係一整排,有少少似廣州所見既舊樓但汕頭市既樓仲比香港,廣州同上海既精美,窗外有好靚既雕花,當中行到某一條街,睇得出係當時有錢人既地方,建築非常壯觀


[19to21/04/14]
Photo Link  <<<<<<<<<<<<<<<<<<<<<