泰北,寮國 2014-01-25to02-10 - Day.00

泰北,寮國

Before journey

之前因緬甸直去老撾太麻煩skip左,所以今次長旅行就揀左泰北同老撾,AA可以香港直航清邁,而且價錢千零蚊,平就唔算平不過時間唔錯,所以就經泰北入再plan陸路過老撾玩好了

11月就訂好晒香港飛清邁同埋曼谷飛香港既機票,再到12月研究完大約地點後就攪埋老撾既機票(陸路都可以不過好哂時間,而且nokair未搭過(好得意既雀仔機身)而且只要四百幾蚊港紙,唔再諗了,就fixed

我既行程由清邁(Chiang Mei)入陸路過清萊(Chiang Rai)清孔(Chiang Khon)再係經友宜橋過老撾會曬(Houay xay),年尾時都仲可以行過關再坐駁船過境,不過我去果個日子(2014年2月)已經要坐車過橋了,係會曬去瑯南塔(Luang Namtha)先去孟浪(muang long)行山再番轉頭搵車去瑯多(Nong Khiaw)同埋睇時間搭唔搭到船去島仔(Muang Ngoi Neua),之後就直落龍坡邦(Luang Prabang)旺陽(Vang Vieng)永珍(Vientiane)完成老撾之旅,跟手搭Nokair直飛曼谷番香港了

之但係呢,就因某d原因,係孟浪停留多左幾日就取消左瑯多同島仔既行程(即藍色所指),依個稍後會再講

總共預左16日(之後變17日,一樣係之後會再講),不過呢,就係出發前個零禮拜度曼谷果邊有示威又放炸彈,仲出埋黑色旅遊警示,觀察左一輪後係飛前一日我決定先cancel左曼谷香港張機票先,萬一我玩晒老撾情況仲係咁差,就會番清邁番香港,至於賠償,因係黑色,所以可以退錢,至於訂點機票,到時先研究了

跟據慣例,會係飛前一晚先執行李,因我無買行李同埋想輕便d去ed落後小小既國家,所以又係塞晒d野入個2x幾L既細背囊度(問人借左個大小小,可以放埋個相機入去了,之前去緬甸果個太細),而且今次,一定要帶多條出得街既訓覺褲去,可以洗下褲,經過緬甸一役,十幾日同一條褲真係想死的,嗯

To Day.01 - 香港,清邁

[25/01/14 to 10/02/14]

Photo Link <<<<<<<<<<<<<<<<