行完晒去食粥,有豬紅有少少肉,幾好味道,出番街市外仍然好熱鬧,都幾多野賣,小販同市民都好忙碌下,睇到咁上下就走人了
行完大約7點半,又原路行番GH,有個比較簡陋既露天市場,買左少少羅望子(tamarind)同柑就走了,番到GH嗌早餐時已經8點,因之前一晚已執好野,所以好快ready,但早餐就非常多人,等左半個鐘先有得食,快食完就等車黎,卒之等到9點先到,原來我係最後一個,怪不知咁耐先到
由center去pakou caves要成個鐘,先到一個沙灘,再行去搭船,對面岸就係了,我地坐既木船比較窄,比清萊金三角既細隻同簡陋,都坐左幾多人,如果側埋一邊就會反船,好彩我坐既全部係外國人,而大陸人同2個泰國人就坐另一隻,我估佢地會較激動,所以可能有危險,都係同外國人坐感覺安全少少,
不過路程唔遠還ok
講番景,d山型都幾靚,而河都係果條湄公河啦應該,去到對岸係竹搭既台,要小心行,再上就係石樓梯,上到第一個cave叫Tham Ting,有一堆佛像一般般,反而透過石窟望番出河同船同d山個景較靚,影左陣相就離開,行左一條算係較長既樓梯,就去到另一個cave(Tham Phum)既入口,木造既雕刻幾古舊,入面好黑,有幾堆佛像,某d像都幾靚,睇完就坐番船離開去食野了
大約廿分鐘車程去到食飯既地方,有幾隻象係度,原來就係依度可以食飯同騎象(行程有寫要另比錢不過可以選擇唔坐),本身想坐既就走左去騎象,唔去既就去食飯,只係一般炒飯加雞肉,而環境清靜,旁邊有兩張木登,可較高低非常舒服,真係睇佢唔出木登都可以咁舒服
食完飯就羅左朝早經過露天街市買既生果食,雖然食羅望子食到成手都係,但酸酸地真好食,之後就開始睇下書咁,幾咁柔閒,跟手等埋騎象番黎既人食埋飯,就見到d 象食野,佢地係食蔗既,咬到什什聲,又見佢地用象鼻羅水飲同噴身,幾過癮
之後就去左十分鐘唔既whisky village(sang hai village)睇野,聽講依度係整handmade whisky(lao lao)係供應比night
market既,不過製酒多數係夜晚,所以睇唔到佢地點整,但就介紹左佢地整酒既工具,相當簡陋同原始,見到有d whisky成50度,我之前係muang long飲過都幾好味,唔太涸喉,所以今次就試左16度米酒,好飲.不過當然試飲完就算,其他人都有買不過我怕羅所以無咁做
睇完就去最後一站亦即係重點地方關西瀑布(Kuang Si Waterfall),不過要去番市中心放低部份唔去既人再出發,去到瀑布大約3點左右,陽光岩岩好,依度真係好靚,有人游水,好開心咁,再高d既仲有人跳水添,有d淺水d既地方可以行,不過好滑,係瀑布一直上,去到上游都幾大水,如果雨季應該好勁
丫,入口時經過Bear Rescure Centre,睇左陣熊(好健康下)又買左件T,要60000kip(=hk57),不過幫熊既就ok啦,睇完不知不覺已兩個鐘,行番去搵司機,之後番town了
去左法國街買車票,最後揀左10:00mini van,130000kip(=hk123),要6個鐘先到旺陽(Vang Vieng),去到都係4點,仲可以睇日落,就ok啦
買完車票就去搵食,唔知食咩好所以又去左night market,先食左個寮式潛艇堡,唔錯,之後就行左去買燒雀同燒雞番去GH食,因第二日係住private room,所以羅行李上2樓,房唔算靚不過還可,見時間唔早,就去攪番香港既票先(之前book左曼谷走但因黑色旅遊警告,出發前cancel左,差唔多完個旅行見局勢唔太差,所以都係飛曼谷走,要打去airline攪refund同rebook ticket,因太多人要改機票,好難先搵到人fix),攪好再食野時d野都凍晒,同埋d燒雞好硬d雀又有少少怪味,食左一隻就唔食了,都係雞翼好食d,ed野加加埋埋都要30k(=hk28),佢地好多野郁下都10k,其實都唔平,旅遊區就係咁了,食完太眼訓就訓了,第二朝再睇market先坐車到VV,就係咁了
To Day.12 - LPB,VV
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment