31 May 2016

台灣太魯閣行山(花蓮,新北,桃園) 2014-02-22to26 – Day.00(before Journey)



岩岩由老撾返港就被通知22號果個禮拜既行山camp改左去台灣,雖然太魯閣之前去過,不過行山呢就真係吸引,睇過仲有3日假所以就決定自己買機票跟埋去啦,不過買票前呢仲要考慮一樣野,就係之前老撾跌落河既腳傷,要去睇鐵打先知情況,幸運地係小傷所以就快手買機票, 佢地前我一星期買千四蚊一人我呢就要千八仲要係special offer先有,不過算啦,去玩要緊



行太魯閣其實唔易安排架,我地係行兩日一夜山,第一日係綠水文山步道(5km),會住係太魯閣入面既合流營地,但行步道要入山証,permit要同台灣警局申請,相對黎講比較容易,而另一日既錐麓古道就比較麻煩,要2permit,一張入山証都警局申請而另一張入園紙呢就煩d,要台灣人同行先申請到,所以局住要搵guide帶隊

沖忙咁搵左仲要成千五港紙,即500蚊一人,雖然包車去車返,但其實我地本身已經係太魯閣,所以約好第二日7點係慈母橋等啦只好,依個古道之前一直未有開放,直至2011年先比人入去,仲要係未開放比外地人自己行,每日quota只可60人入內(平日),而且台灣都算多人去,所以只有2個星期唔到都攪得成真係難得

,錐麓古道除左要apply2permit,要台灣人一齊行同每日限人數外,佢因地震同霖山泥關係好多時只會開3.1km,不過好彩地我地去前岩岩幾stable,所以可以行10km,即由慈母橋入直行經錐麓古道錐麓駐在所斷崖終點仲可直行吊橋同燕子口出,唔用好似3.1km咁要原路折返,行山黎講會有趣得多

除左重點既行山,我地去5,除左第一日,其實仲有2日時間係台灣,我呢就選擇左唔同佢地去礁溪溫泉反而揀左自己去新北既金山同桃園既三坑子老街,鶯歌老街了,


[22/02/14 to 26/02/14]
Photo Link <<<<<<<<<<<<<<<<

25 May 2016

泰北,寮國 2014-01-25to02-10 – Day.16b(09Feb14)



番到bkk未夠5,係街食左少少野再出發去下站火車市場(Srinakarin),依個市場其實都幾遠,要坐btsOn Nut再搭4號雙條車先到,前後要成個鐘,而依個火車市場本身係市中心,舊火車站度,不過因迫遷問題比人搬左去咁遠既地方,,我第一次坐雙條車,價錢好平(7T=1.6hk),不過架車真狂野,開車停車都好快,基本上人人都要捉住先坐得穩,幾過癮

路程半個鐘不過就塞車,見的士同我地同一路,都係坐雙條抵得多,最後69先到,就係Seacon Square落車,好新好大既商場,不過唔岩我,因火車市場無明顯路標,行左個大圈先搵到入口,一入到去好似外國outlet感覺,而且太新唔夠raw無咩feel,再入少少好多野食,再入就係賣衫賣鞋既地方,有少少似市集又或者地攤賣2手野既地方,搵左d野食再行,d車泊左係度賣舊野又有好多t-shirt,咁好似有少少對味

再行就係古董鋪頭,都好多野睇,出面亦有賣舊東西既地方仲有用舊車同鐵筒既bar可以飲酒,designd心機睇落可以,仲見到有踢唔知乜波既比賽,行街睇野既本地人為多,西人好少中國人唔見,可能時間太早又或者依個市場唔多遊客識掛

睇多個零鐘就走了,要趕車番hotel羅行李再搭Air Rail到機場,好彩都趕到最後果班shuttleT1T2.慳番的士錢,不過可能入到T2時間太晏,無咩空位比我,快快手換左衫,搵左陣先搵到一排登,settle好就訓覺了,訓到4點幾起身食下野到counter check in,5點零既Don Muang真熱鬧,攪好晒野入到侯機大樓本身想唱番d Thai為美金,不過因洗剩太少佢都無得比我換,算了,最後食左個麥當奴早餐就準時上機,到香港都係十點零

睇番成個行程,泰北同老撾雖然無緬甸d人笑得咁主動,但都好nice,你對佢笑仍都會笑,而洗費既就還可以(共用左未夠9千港紙玩左17),不過老撾野食真係比較悶,差唔多日日都係米粉湯,悶到我自己玩不同配料黎食先開心番d,而且車程都較長,不過巴士比想像中好,最開心係金三角泰北入河見到金三角真貌作為東南亞既終結,雖然bkk一站有少少麻煩,但仍係不錯既旅程


[25/01/14 to 10/02/14]
Photo Link <<<<<<<<<<<<<<<<

24 May 2016

泰北,寮國 2014-01-25to02-10 – Day.16a(09Feb14)



因有整日時間所以訓到8點幾先起身,仲去埋食酒店早餐,雖然只係buffet,不過其實都係一般,食左少少飲左杯咖啡就出發去生果市場了(Saphan Khao Fruit Market),問過hotel只有巴士同的士到,但佢又講唔清巴士係邊度落同埋感覺好似知又好似唔知生果市場地點,因之前係清萊幫手譯左市場個泰文名,所以就搭的士去啦

不過根據習慣加上依間假假地都係一間hotel,所以一定唔會係門口截車,行左去兩條街左右係個唔多似酒店門口既地方上左架的士,當然係meter架啦,仲坐車頭叫司機去 Fruit Market,佢一7睇泰文名就知係邊,因shundownBKK既原因,唔知會唔會兜路,所以羅左部gps出黎睇,見到全部係示威區旁邊,不過就有d近Victory Monument,係路面見唔到示威場面所以好快就到左FruitMarket,去到原來係批發市場,因時間有d晏,好多鋪已經關門,而d人已經得番好少,生果呢就唔多,而且有d用布包住左,如果早少少黎應該好似油麻地東欄咁熱鬧,可惜

行左2個圈去左另一邊既批發市場(依度都算好大,8-10座樓,似係同樣做生果批發,但就岩岩油緊油,好似幾新下,之前可能會舊d),行到某一處見有垃圾車收緊生果既垃圾,行去睇下,有人擺左十幾袋椰子係度賣,仲有隻狗仔好可愛,死都要由兩袋椰子中間穿過去,仲係度慘叫,佢主人見我影佢係度笑,最後仲幫佢羅開袋椰子,

睇完就諗住搭車去下一度,點知行過對面原來有個生果市場(不過唔係批發而係零售),好多生果,岩岩見有菠蘿,好香,再前少少有西瓜木瓜大樹菠蘿等等,仲見到好多人好忙咁用手推車運生果(收鋪頭錢幫忙運生果),另又有用生果制酸果既地方,真係好忙好熱鬧,睇多陣就坐車去另一度,因行番出去都有距離,所以就揀左坐tuktuk,睇價錢50-60T,開價都差唔多啦,諗住坐tuktuk去到先去近dPhaya Thai BTS station坐多幾個站去Victory Monument搵車去美功市場(Maeklong Market),但因示威封路關係,BTS前幾個街口落,咁岩就行左入去示威區個入口了

因日頭既關係,人唔算太多,閘口有少少人把守,入去有人要check,我可能係細袋同遊客feel,check,咁岩到示威區當然睇下有無shutdownBKKt-shirt賣啦,第一檔已有件黑色幾靚既,不過得大碼唔岩我,再行前d都有好多t-shirt,不過唔靚,仲有野食,泰國國旗色整既小裝飾品(好似手繩口哨等等)感覺似係賣野既市集一樣,入面既人唔算太激動,反而有種好nice既感覺,前少少有幾十個營有人訓緊覺,有人整緊示威既東西,再前少少就係演講台,因時間尚早無咩人係台前不過有人係度揮緊支大國旗,幾有氣勢,至於好似我一樣既遊人,都係行下睇衫買下野食影下相咁,眼見多數係當地人,有少數西人,聽落呢就無香港人同國語人,行左2-3個圈搵唔到岩心水既t-shirt,去多次第一檔再睇竟然搵到件中碼,太好了,衫只賣100T(=23hk),好平

買完就去搭BTSVictory,可惜搵車搵左我大半個鐘,仲要搵巴士站長幫我寫泰文先搵到(之前忘記左寫低美功個泰文,真失敗),原來一出BTS直行盡頭再落樓梯係天橋底先有車,好彩時間仲可以,搭左124既車,價錢70T,大約半個鐘就到左美功站,睇睇時間已經過左一點九班車,下班要2點半,不過既然到左,去睇下街市先啦,點知原來一點九班車遲到,2點去到岩岩好有火車聲,企好位置等火車拍movie,點知部機錄錄下停左,吹脹

睇到d人開檔收檔手法純熟,而且有d檔口有轆方便拉前拉後,火車呢真係好近,而當車過後唔用2min就還原本來樣貌,雖然youtube睇過不過現場睇都幾有趣,而且遮太陽既簷篷好矮,行時要低頭,係另一種有趣景象,

人可能因bkk問題比想像中少遊客,睇完火車行過左車站睇睇影左幾張火車相就行下街市,不過都無咩特別,因天氣太熱食左個雪榚周圍行下買埋車票無耐就走人了

To Day.16b - BKK,HKG


[25/01/14 to 10/02/14]
Photo Link <<<<<<<<<<<<<<<<