今日天氣藍

今日又係好懶既一天,本來要出去荃灣影相(就快拆既地方),又要去睇兩場盂蘭(荃灣同長沙灣,如果無計錯,應該有好睇既祭好兄弟同走五土睇),可惜係我起唔到身,唉

訓到阿媽講既黃朝百晏先起身,食左野又係懶洋洋既灘屍,不過作為年長既廢青,灘係床度都不忘羅起本巴爾扎克全集黎睇睇(人間喜劇第一集,好睇wor,詳情請留待我睇完先係豆瓣分享)

咁呢,睇睇下抬頭望天,個天好藍者,好少何成四點幾個天仲咁藍

起身隊隻電話出窗影下另一邊,好可愛o者d白雲,仲影到隻機飛過,不過開初以為會有個靚日落,但原來無wor,係咪即係表示沒有夕陽無限好,所以未到只是近黃昏呢?

藍天呀藍天,雖然我好愛國愛港,但聽人講如果個天紅晒,第日會落雨架,所以你有得藍時好繼續藍,為左令心情舒暢,我地唔好理cctvb既我們的天空呀,知唔知呀?

依排都真係多野諗,有d唔慣添,哼

[23/08/14]