27 July 2014

Henry: Portrait of a Serial Killer

~~Henry: Portrait of a Serial Killer(殺手的肖像) - [1986]~~

全片充斥黑暗醜惡污穢感覺,雖然血腥暴力場面亦不少,但很多時巧妙地用上剪接配樂等等而為,個人感覺此類電影還是獨行比較冷酷孤寂,當加上另一人時有點兒變味,當然以現在角度來看還是充滿反社會的暴力形態片,但沒多大藝術感覺反而是意識不良的暗黑現實電影,結尾處理不錯,喜歡此類電影的可以一試

[26/07/14]

26 July 2014

Elling

~~Elling(我和我的朋友) - [2001]~~

溫馨有愛的小故事,生於挪威這個富裕國家但故事裡的主角就要面對人生的困局,如何面對如何成長,最困難的是如何走出第一步,這片有這一對互相扶持的朋友才能有機會找尋到自己的長處及價值,想法正面而情感細膩的故事,可以一看

[26/07/14]
Photo Link

少年手指虎

~~少年メリケンサック(Brass Knuckle Boys,少年手指虎) - [2008]~~

一開首的歌很是熟悉,我一定在某部戲內看過,anyway,此片故事較誇張,某些人物比較出色如社長如樂團中某一兩個角色,處理上較成熟而且攪笑,其他總是覺得篇幅不夠還是導演問題,角色發揮比較蒼白,本來是很好的題材現只是一部還可以的喜劇,可惜

[25/07/14]
Photo Link

21 July 2014

The Bird with the Crystal Plumage

~~L'uccello dalle piume di cristallo(The Bird with the Crystal Plumage,摧花手) - [1970]~~

意大利恐怖大師Dario Argento的處女作,開首已很有後來電影的風格,當然故事及鋪排上仍欠火喉而且也帶點希治閣的味道,但實質上畫面及整體感覺也見後來Deep RedSuspiria的陣陣藝術而帶邪氣的味道,可以一看

[20/07/14]
Photo Link

20 July 2014

Play Time

~~Play Time(玩樂時間) - [1967]~~

人來人往一式一樣的大城市中的迷失,此片其實並無明顯的故事但吸引人的是當中的場景,非常特別,意境前衛幽默,在諷刺中找樂點,當中以一開初的大廈入夜後的飯店及ending的遊樂場尤為令人深刻印象,很好玩的法國電影,可以一看

[19/07/14]
Photo Link

17 July 2014

安陽嬰兒

~~安陽嬰兒(The Orphan of Anyang) - [2001]~~

十多年前的中國寫實電影,說的當然是社會現象,除了生活較艱苦外,比較明顯的是談及剝削,除窮人被有財勢的剝削外,窮人也會被其他窮人所剝削,固定的長鏡嘈雜的街景也很有伊朗電影風格,談的也是相類似東西吧,不過後者更為深沉而已,這個果然是不錯的中國電影,值得一看

[16/07/14]
Photo Link

10 July 2014

Synecdoche, New York

~~Synecdoche, New York(腦作大業) - [2008]~~

又文藝又虛幻的電影,編導也是Charlie Kaufman難怪了,他怎麼可以將一個老生常談的橋段拍得如此出神入化而不失格調,此片其實很多大明星在內而且演技是一級讚的演出,除大膽想法外故事結構及控制方面亦見出色,在hollywood可以有如此非商業大制作Charlie果然利害,難得他仍可以堅持這種抽離而帶條理亦見感性的審視觀,難得難得

[09/07/14]
Photo Link

09 July 2014

She Freak

~~She Freak - [1967]~~

看後感覺非常古怪,片中很多鏡頭涉及臨時遊樂場的裝崁及拆卸,還有工作人員遊樂市民進進出出的鏡頭,應該是實拍的片段,雖然最後也不知動機是什麼而且其實頗無聊但又未至於太過奄悶,再來就是草根女角找機會上位及和遊樂場的男子的情史等等,最後特快的跳進再之後就是ending了,其實此片拍攝配樂也可,演員及動作雖然某些鏡頭還是太誇張但還可接受,怪就是在看後有種很虛的感覺,不太爛但又不知做什麼,之後就完了,究竟什麼一回事,我也不知道

[08/07/14]
Photo Link

08 July 2014

貳零壹肆七一遊行

查實呢一直以來係朋友心目中我中一係一個政治冷感既人,所以今次話去遊行佢地都好愕然下,其實呢我都有留意政治既,好少表態既原因不外乎係覺得無一個似樣,都唔知可以講咩好,當然近來既學民思潮做既又好講既又好都似番d,而且加上白皮豬,東北事件果種當人死既表情態度等等,令我係23條再次出籠前作一個處女遊行,之前一直覺得係又行唔係又行只係會將d數字淡化,所以一直都無出過去遊行,但到左最近一刻,因所見種種所以就係七一黎個遊行

因之前未去過,所以連邊度打邊度幾點開始都唔知,問過對政治研究開既朋友原來都無約埋,咁只好自己睇網上攻略啦,知道維園出太on居所以搵左一兩度(其他既就應該係圖書館或波斯富街出啦)可以中途加入既,本身都知熱死又可能比雨霖死,但除左頂住條氣外觀乎近來既姿態將來都無咩幾多機會遊行(可能玩多2-3年啦),朋友除左驚訝外都話驚我失望,我就講都知無用不過當一次經驗又好當表態又好啦,都會出去行既,再問另一班fd(之前唔記得邊個日子問過我去唔去遊行的),原來仍地都去,就約好左一點北角食完野先出發去維園行(oh no維園出,雖然話要等好耐,不過佢地慣左同知道要等,咁我跟大隊就算啦,而且攻略講如第一次可以既話就由維園出,可以感受一下比差佬玩既感覺,)

因知道地鐵可能會係金鐘塞人,所以兜另一條路由油塘果邊出北角,食完野就搭地鐵到天后,未夠三點去到一出地鐵已劇多人,自動電梯塞到郁唔到,咁我地行樓梯啦,算係行到少少,天后站太多層了,上到地面已經係講緊3點幾,入到維園已經係3點半,6個球場已爆,所以我地係草地,去到已有兩區爆左,我地第三區不過見前面好多吉位,所以跨繩過去,企好先知原來依度係A(就係第一隊由草地出發去球場既區域,真係對後面D人唔住了)

雖然話球場已經有人3點出發,但仍然好多人塞住,我估除左好多人唔願再入維園外,亦聽到出面死都唔開路封住晒(fd講之前如人多會開多條路,但今次死都唔肯,依個都預左了),等等下大會唔耐煩,5點左右就叫人自己由右邊出再行糖街過去算,見有差佬入黎嘈,但當然最後又係各有各講啦,我地行行下就唔知點解兜左入球場既路,又等左一大輪,最後等到落大雨,有遮都真係濕Q,係場內真on,聽黎聽去都係唱歌,口號可能因大家都無咁好氣or9咁多件事,好似一大串口號upup下就唔知攪乜春,歌呢,真係好無謂,應該係怕d人太悶所以唱下歌咁,d歌好有一種時不與我快將滅亡既哀愁感,除左無奈都唔知講咩好(唔知其他人有無咁既感覺)

離開維園前見有班收錢既廢柴係度,立一立眼應該唔夠20個人,雖然佢地有banner,但可能等緊收工,所以係度行行企企,至於遊行既人,都唔多見有人so佢地,當佢地死既一樣,我覺得對ed人最好係咁,都真係彩佢都影低自己人格,最後離開正式維園已經係6點三,果真好無聊既封路,行下停下咁,唔知係咪我地行中段既關係,口號好少(反而講開路就多),而且示威既牌亦比例上少,問過fd感覺如何,佢地話口號係少左而牌呢可能係前面行左去果d,不過就真係少左一堆堆不同派別既人行,我心諗梗係啦,乜柒派都柒,真係無咁好氣

經過聖聖保祿醫院附近既天橋,分左兩邊行,我地揀左好似有郁少少既左手邊行左入內街,跟據佢地既經驗,果度好多街檔要人捐錢,而我既經驗呢,係條街好細,應該會迫死,入左去攪左幾廿分鐘先出到黎,當中見到有d街坊比遊行既人block住左,我諗佢地都估唔到會攪咁耐,fd分享左有個親戚住銅鑼灣既經驗,一有節日或煙花,佢地一係出唔到門口一係入唔到大門,我估個情況到加下差不多掛

轉左彎出去,就見到這麼近那麼遠既sogo,除左睇下附近既法輪功既氣勢外(好多上年紀既人,行都夠辛苦見佢地仲抬住晒d野行,如果唔係平時有練功都真係會暈低),又見有人羅左個牌出黎,係哨牙蘇咬爆唔亮星既圖,好幽默者,最後行左半個鐘有多先到sogo門口,

無耐見到學民思潮既王之峰,企左係巴士站個牌附近,明顯比之前既人歡迎,no matter of歡呼聲同個錢箱,再行就係其他政黨,有賣衫既有播歌既有up野既,好似嘉年華或曼谷既示威區咁,有種假日感覺,究竟想點呢下,真係無咁好氣,而且仲見到民主黨既街檔係正hysan既門口冷氣位,個個都熱到hihi,佢地好識揀者下!

過左鵝頸橋,右邊有車停晒係度(未過橋前見有巴士同的士van仔咁,但比較疏落),一整條車龍,d司機好無奈咁款,我心諗唔關我地事,係差佬放你地入黎又唔改路者,應該係攬抄之作,,再前就已經無晒車,睇到一邊車路全部人一邊車路無個人真係好無聊,雖然行緊街既人係度影影影

之前講過無咩嗌口號,無聊當中梗係四圍望,見有d樓放左布條落黎,都係一d打氣或要求之類既野,來自不同團體,當中又有好多街檔,d都唔知乜春來的,我第一次參加,都真係唔知係咪年年都係咁,佢地係咪好似某d政黨咁要選票()先出現平時唔知做乜9

到左9點先到灣仔家計會附近,見有個大牌寫住,讓愛與和平佔領中環,真係好教會感覺,果一刻一種好sorrow既感覺又黎到(同日頭維園音樂會相類似),,到左差唔多十點,雖然未肚餓但fd話入左中環無野食,咁岩見有大快活,就殺上去是但食d野坐下去下廁所咁啦,都真係好彩上得黎快,見個board就快無野食,拿拿臨是鬼但嗌左d野食又去左個排長龍既廁所,無野做睇下d,見有幾台都係小緊個遊行時間,雖然唔算太激動都小出聲都係正常人既行為黎既,仲有人講個身好臭,,都真係,個感覺係好多好多整路地盤工人一齊行街一樣,所以有時把扇係要黎吹d臭味既,去完廁所完望番落街,見人已經疏落左d(聽講最後一隊人係維園8點幾已經出發,咁計番個時間,都應該係差唔多龍尾班人啦),聽到d人係度講無晒野食,so sad,離開大快活時,食牌已經換緊早餐野食,以為佢地打烊後尾睇番fdfb,原來有出post話大快活無晒野食已經賣緊聽日既早餐,咁聽日d人咪無早餐食?

前前後後用左半個鐘攪個dinner,行番落街仲見到街檔努力緊,有反對領匯折大元村(我同fd都有簽名),又有d貓貓狗狗什至海豚既愛護園體,d講句都真係人都就黎食屎仲咁有愛心,,不過依個百花齊放既景象,又係一件好事黎既,雖然依個景象又已經時日無多

最後10點幾先入到中環,係金鐘個位終於有條大路行下,可能人少左條路又大啦,之後好快就到匯豐,見佢地拉左閘,應該係驚學界佔中單野,,未入依個位時見有街檔指左入左手邊,又話草地佔中wor,係我事前最怕既騎劫事件,名就唔出啦,我可以講係我最L憎果個粉人,真係唔知幾多傻仔比佢點左入草地,係另一邊,見到皇后像廣場好多人,應該係等遊行散左後入場佔中的學聯,見前台就係終點,咁岩見D政棍講緊野,係度教人比差佬抬時點做又講點支持學界佔中,佢老味630果日又割蓆又未係時候既人係度UP,真係令人想嘔,正所謂偽君子比真小人更難睇,身為大人係D學生面前咁既行為面皮真係成尺厚,學界外憂內患真係難頂,依個亦係我630果日對所謂政黨既極失望之處

唔鬼聽班廢柴講野(本身想聽下遊行人數,差佬果9萬都費時理佢,但大會又話完左先講,咁梗係走啦我地,雖然行之前都知數字都真係唔代表咩,但有參與多多少少都總係想知既),轉左個彎到遮打道已經係10點半有多,前面好多好多人,而差佬亦係一旁拉晒鐵馬咁,見再行唔到就睇左陣,本來1516想行去政總果邊支持學民班人,但又多人D路又BLOCK,加上真係好倦(見附近既所有人無論咩年紀都係一個倦樣,最後經過討論,我地都係散BAND搭車番家,晚上十一點幾搭地鐵,第一次見香港人多過大陸人,可能係我諗多左啦又,果種感覺好難形容,有種好陌生但又好熟悉既溫暖感覺,雖然一閃即逝,但個人黎講始終係一個比較特別既感覺同經歷,計計下由3點半維園直至11點遮打,扣左半個鐘DINNER即行左7個鐘,FD話都未試過行咁耐,都係果句,Q D咁諗,都唔知仲玩得幾多年(無論係形式上又或者係政治上),應該好快就會變左香港人既集體回憶


無用無用都要行,雖然番到家之後睇左差唔多通宵既和平佔中抬人大會,沖擊當然有,但當第二日經過71+遮打+政總所睇到既無論大陸既態度政府既態度政黨既態度傳謀既態度加埋大部份既市民態度=香港已死,個人黎講2014之年72號正式係踏入哀悼期,阿們

[01/07/14]
Photo Link <<<<<<<<

A fost sau n-a fost?

~~ A fost sau n-a fost?(12:08 East of Bucharestm,布加勒斯特東12點8分) - [2006]~~

再是羅馬尼亞電影,仍是混亂的一天及手持鏡頭,說的主要又是壽西斯古倒台的一天(和之前看過的無主孤軍一樣),不過這次是直播節目中的事後回顧,幽默混亂的羅生門事件,由直播前的暗淡生活到節目中的各種對話及完結後的留白,當中暗藏很多寓意在內,令人感覺無奈,此片調度出色處理仍見簡約而到位,冷冷的氣氛帶人進入深一層次的思考當中,很值得一看的羅馬尼亞電影

[07/07/14]
Photo Link

05 July 2014

Limonádový Joe aneb Konská opera

~~Limonádový Joe aneb Konská opera(Lemonade Joe,雷蒙納多.僑) - [1964]~~

相當古怪別緻的一部捷克電影,看過此片的人一定會對當中的怪色系有極深印象,感覺上導演是以顏色來說明不同的心態或環境改變,再來就是差利式幽默默片為主,配以一班說捷克語的美國西部牛仔飲品爭奪戰的故事,當中放了很多不同的表達手法,現在看來也極有想法,以一部五十年前的作品可以有此大膽跳脫的格局實在是難得,雖然此片有著美國的包裝實質仍保留捷克電影兩大特色-大量音樂襯托及幽默諷刺下的淡淡哀愁,以飲品戰說出世界兩大主義的分野及契合,捷克電影實在很有意思,值得一看

[04/07/14]
Photo Link

04 July 2014

The Curious Dr. Humpp

~~The Curious Dr. Humpp(怪醫漢普) - [1969]~~

頗為經典的剝削電影,居然是阿根廷的出品,誇張不合情理亂七八糟的劇情是意料之中,集合驚慄科幻奇情情色一身的古怪電影,特別是後者,所佔篇幅極多,差點以為在看porn movie,而且也頗為大膽,不過女的樣子和身材不錯,男的也頗高大英俊,配樂也沒有太過亂來,整體來說就是cult片一套,不好此道者切忌觀看

[03/07/14]
Photo Link

02 July 2014

Clerks

~~Clerks(無事生非) - [1994]~~

聰明惹笑機智幽默,粗糙而低成本制作,但情節緊湊絕無冷場,電影中出現各式各樣的怪人無所事事,在荒謬荒旦中找出路,難怪可成為classic,值得一看

[02/07/14]
Photo Link