盂蘭勝會(廿四) - 中區卅間街坊盂蘭勝會Part.01

貳零壹貳年玖月玖號(柒月廿四) - 中區卅間街坊盂蘭勝會Part.01

一早就到左中上環既卅間街坊盂蘭勝會,去到見到好多婆仔係度摺衣紙,加加埋埋應該都有成千歲,但睇落佢地真係好落力,但係豪宅旁既感覺總係有D怪,仲記得依條中和里係我非常喜歡的地方,加下已經面目全非了

感嘆完一輪後睇下場地既裝飾,係馬路邊但棚架非常高,有附薦台同經施棚,而神袍同大士台比較簡單一D,而大士王呢就係香港地道手扎,制作人係非常敬業樂業秋記紙紮既陳伯,今年九十幾歲了,聽佢地講依個大士王比之前既矮左,無法啦陳伯年紀太大,加
下已經係坐緊輪椅,依類手工紙紮要好大氣力,今年係最後一年既陳伯大士王,好彩我都仲有機會見到,下年卅間既大士王一定唔係依個樣了,世間不可避免的時移勢易

等左陣11點左右就豎幡了,共有六度地方(水池巷,永利街,卑利街,士丹頓街,伊利近街,鴨巴甸街),可能係星期日,非常之多人而且因多遊客所以佢地對依類傳統既儀式都非常好奇,行晒六度地方番回場地已經係12點半了

再之後係開金榜同擺左十隻金豬出黎,真有氣勢,知道未有儀式做所以就行左去搵野食,都行左一段時間先去左一間我地ED爛鬼平民食野既地方,叫左個鵝瀨加汽水,要左我四十幾蚊,中上環真係一個唔容易既地方

番到去又做緊儀式,係同D米做下法事咁(名又唔記得了),當中街坊多左人又多左車又多左總之就好煩忙咁,我搵左張矮登坐,人來人往遊客非常之多,之後見到經棚另一邊擺緊天席,都幾豐富下而且有一大堆日用品又有算盤毛筆擦膠針線等等,同一樣野我估
都擺左好多年,講真加下好多野都好少用,再後生D既分分鐘UP唔出係咩來的,不過傳統就係傳統,放開咩就放咩,我喜歡,派米黎講呢就睇落就係外援來的,而且黑衫黑褲很有江湖味道,不過勝在派米時都算落力,可能依度既街坊年紀有D大,派米始終要人手要體力,所以聽講有D地方因人手問題冇米派了,丫,等候派米期間聽到人嗌交(DETAIL D講係有人係度好大聲嘈,都嘈左半個鐘有多,真好氣),因想睇三角碼頭既儀式,所以唔睇哂派米但就跟左先生們去送幡,睇左一支就走人,但後來聽講第二支既永利街有怪事,容後再講

To Part.02

[09/09/12]
Photo Link <<<<<<<<<