play list

20 December 2012

盂蘭勝會(廿八) - 西貢區潮僑街坊盂蘭勝會

貳零壹貳年玖月拾號(柒月廿八) - 西貢區潮僑街坊盂蘭勝會


又係由黑蚊蚊既路入去,不過今次多左少少燈,而揀第二日去西貢果真唔係好時候,去到再次係食飯既日子,一張一張台放晒係度,除左睇福品競投真係冇咩野睇,而且因飯台既關係,場地會顯得比較迫而且唔關事既感覺好奇怪,咁又係既人地食飯你走入去睇都唔知做咩咁,anyway,我一個唔多怕羞既人都其實唔理咁多,佢地有佢地食我有我睇祭台祭品,依度仲係傳統既竹棚,祭台放兩邊,大士台放既唔係大士王而係面燃大士掛畫,而神壇方面就相當精彩,我真係第一次見有咁多咁in既福物,人地多數係玉,佛像,金製品,洋酒等等,佢地居然係單車,燒烤爐,暖爐,仲有帆布床,好有趣,而且連香爐都會羅出黎競投,但當然唔會係買斷而且放一年之後會羅番出黎下年盂蘭勝會再用,um,另可能依度係新界地方,嘉賓居然會係新仕既區議員同埋中聯辦既副主席(如果無記錯既話),果真親近

睇左陣就見有普門品,見空前咁多人輪住上香,印象中其他地方多數係有關人員或幫手先會上台進香,依度呢就真係極熱鬧,不過各處鄉親各處例,總有不同既地方既,睇左陣走人lu,去到盂蘭尾聲,有時一日趕幾場,個人真係有d倦

[13/09/12]
Photo Link <<<<<<<<

No comments: