27 December 2012

我們為什麼而活?

在微博中看到,據說是一位北大才女所寫的文章,閱過後的感覺是很可怕的女子啊,太多的計算換來的很多時只有一個結果,人生不是能自己所能控制想像,總有太多的意想不到,這樣充滿計算的人生太倦太苦了,我們為什麼而活? 為著平衡那50%的生存和那50%的夢想而活吧


p.s.其實我有很多相未post,但家裡的pc壞了,沒時間沒心情去fix it. so..................put it aside

[27/12/12]

25 December 2012

2012盂蘭節-後感

來一個有關2012盂蘭節sum up,其實呢我好中意傳統同比較舊既東西,香港雖然越黎越無性格但我希望係有限既時間,空間,能力上能夠多d去參與(或者參觀啦)一d尚未消失既東西,我唔想一d本應係香港既東西最後只靠外地人士懂得欣賞懂得珍惜,作為香港人應該要把握機會參與其中,雖然我起步太遲但總以一整個月去參加各區既盂蘭,依一種要錢要力但實質回報係手少之又少既文化文物東西,只會越黎越fade out,人情人性最pure果part唔會再係一樣會有人珍惜既野,只會係口號,係計算當中好多時都會放在備註一欄,沒有實際既參考性亦無人會理會,所以未係完完全全失去既時候,我去參與當中仲見到某d有趣既人性,溝通中對陌生人既善與不善,一件物件從表面到背後既意義甚至乎只係去一d我未曾到過既地方,其實都幾有趣幾值得

[25/12/12]

24 December 2012

盂蘭勝會(三十) - 大窩口地藏王菩薩寶誕

貳零壹貳年玖月拾伍號(柒月三十) - 大窩口地藏王菩薩寶誕

去到大窩口7點幾,又係開緊飯,現場所見唔見有打武跡象,有人問過原來係取消左,因為貴,所以又係白果,但就睇左陣白字戲,好睇呀.丫,仲有卒之知道台上掛果條係咩,我開頭以為係儀式野保平安順利之類既東西,原來係錢來的,要黎比台上既人加油,近睇原來係一張張一百蚊,開頭我仲估係符黎添,真有趣

另一邊經棚做緊儀式,但睇唔明做緊乜,睇左陣走人了

[15/09/12]
Photo Link <<<<<<<<<<<

23 December 2012

盂蘭勝會(三十) - 長沙灣潮籍盂蘭勝會Part.02

貳零壹貳年玖月拾肆號(柒月廿九) - 長沙灣潮籍盂蘭勝會Part.02


之後就係送大士同派米,點解係送大士?因依度既化寶爐非常之遠,細既紙扎祭品可以係場內既鐵桶化,但大件既呢,就要嗌車車走羅去化,而派米呢,有樣我感覺唔係咁好,可能係地方大又係最後既盂蘭勝會,好似好講階級,人地果d感覺冇咁重,只係一心做好樣野,但依度我有d唔慣,開始派米時係d好似德高望重既人派,仲聽到有人同個幫手講要企後面,你無資格派云云,我覺好難聽,而且明顯依d嘉賓係生手,好慢仲問阿婆幾點黎排,阿婆就算聽得清你講咩都得鬼閒理你咩,做完show後由番熟手派就快番d,但另一邊又見有人同阿婆嘈,仲要好惡果隻死都要搶番阿婆既第二包米,唉,佢地係咁啦,一包半包由佢啦(見有幫手都係咁講,我都係第一次見派米派成咁),感覺唔多好,不過我係外人,多事

之後聽講大窩口地藏王果邊有打武,又走左過去,知道流料後又番長沙灣睇埋last既幾part野,一番場就見有位阿叔同福品競投嗌大交,爭d打交咁濟,經過派米事件,依檔野感覺都幾麻煩,anyway,走左去睇禮斗同散旗,散旗就相當精彩,同之前睇既有d唔同,佢地話係加長版喎,時間我冇留意,不過明顯走位唔同(開始時見四眼叔叔同打鼓阿姐講左輪野,應該係話佢知要加長版掛,丫順帶一提,從德除左好多後生仔有氣有力之外,打鼓同唔知彈咩琴既兩位阿姐功架十足,極有氣勢)動感更多,幾好睇下,但我企錯位,撞著個超前阿姐,攪到太近又影唔晒,太遠又見佢隻手係鏡頭正中間,最後我放棄了,無咩點影相同拍野,係咁易算了,下次小心d好了

最後係送神,聽講係最後一年係山上兜圈,但一來太夜二來好似冇人跟車,我都係算了

Back to Part.01

[15/09/12]
Photo Link <<<<<<<<<<

盂蘭勝會(三十) - 長沙灣潮籍盂蘭勝會Part.01

貳零壹貳年玖月拾伍號(柒月三十) - 長沙灣潮籍盂蘭勝會Part.01
最後一日盂蘭勝會,差唔多成日都係長沙灣渡過,所以我亦相當街坊裝束,anyway,一早10點零鐘到左保安道,因今日係第三日,所以應該好多街坊忙於擺放自家祭品拜祭,依個有個特色,就係要用繩又或者粉筆畫圈用黎圍住自己既祭品,好別緻,唔知係咪人太多驚比人用左個位呢?但眼見又唔算係太多人者,有趣

見冇咩特別走左去食早餐,番到黎時做緊十供,依度既供同之前既荃灣有少少唔同,不過當然都係果十樣野啦,不過所主持既佛社唔同道具都有少少分別既,而且儀式完左都冇急住羅走,可以比我慢慢睇下影下相咁

再之後就係五福連,之前睇過幾次,雖然冇留意係咪同一間,但因睇多左而且又上網check過下,所以卒之睇到有五場了,嗯

大約一點左右開始擺放祭好兄弟d野,鋁片沙碌油葉水亦唔少得,至於其他食物祭品呢,可能冇左d大隻冬菇山髮菜山,所以好似冇咁好食咁,哈,但個24支燒酒陣都幾有型而且經大會開始後d街坊好落力插香而且d值理又差唔多咩都掉晒落去(眼見有茶葉,燒酒,熟煙,飯,米,豆腐,麵條,菜,汽水等等),熱鬧得黎比d煙煙到眼都盲埋,真壯觀,但依度洒碌油葉水仲可以避開下,唔似得第一場保安道既李鄭屋麗閣咁三百六十五度轉圈,部相機真係極難避開

而另一邊呢就做緊瑜珈焰口,因睇左幾次,而且位置唔係幾好,所以只睇無咩睇拍movie又或者影相,反而係多左留意儀式既手印,有d睇得明有d睇唔明,見先生們既書有d寫上手印點做,幾有趣,不過呢就見到一個打醬油既先生,雖然另一個都明顯係生手,但佢咁隨意,唔知係當日唔舒服定點了,好眼訓咁喎,anyway,專心睇手印真開心,希望有書可以講究竟d手印代表咩就好了,至於姑雷果呢,我冇參與了,一來唔係太多都係留番比人二來我都係中意食慈善閣既多d,哈

丫當中仲有放生,有兩羅龜,不過如果放落海呢就....嗯

To Part.02

[15/09/12]
Photo Link <<<<<<<<<

22 December 2012

盂蘭勝會(廿九) - 大窩口地藏王菩薩寶誕

貳零壹貳年玖月拾肆號(柒月廿九) - 大窩口地藏王菩薩寶誕


大窩口地藏王菩薩寶誕其實同盂蘭勝會差唔多,不過就冇緊大士王同其他祭台,只有戲棚經施棚同神壇,但祭品都唔少,而且仲有三個包山,雖然唔大個但都唔算太小型,而且原來依度拜地藏王係要用膠燈籠架喎,難怪周圍都係啦,不過燈籠架唔燒得都幾難攪

除左做緊白字戲(冇留意到做緊咩),仲開緊圍食飯,咁睇落即係唔會有打武睇啦,雖然係咁,不過我都周圍行,而且留意到同其他盂蘭勝會既食飯好唔同,冇人招呼既要自己羅食送羅飯,而且好似好心急下爭d要搶咁濟,d台d倚都係咁,當時我覺好奇怪,後尾先知原來係唔洗錢任何人都食得,類似和尚食四方飯咁既野,怪不知得d人會係咁

睇左陣走人了,好倦

[14/09/12]
Photo Link <<<<<<<<

盂蘭勝會(廿九) - 長沙灣潮籍盂蘭勝會

貳零壹貳年玖月拾肆號(柒月廿九) - 長沙灣潮籍盂蘭勝會

5點左右趕到長沙灣睇走五土,因多數係走落台下做儀式,所以範圍大d又會睇得清楚d,一貫的動感而且包亦非常多,我又執到個,成日覺得非常好食,下次再睇真係又要羅過先得

至於場地方面,因中間做左走五土,所以地方細左d,而且因想趕下場去大窩口睇地藏王誕(聽講有打武)所以睇多左陣影下場地相就走人了

[14/09/12]
Photo Link <<<<<<<<<