食過面包早餐後9點半就出發,今次司機冇遲到,所以我地好快就到左碼頭,去到人都係好多,我地攪掂左d野後就上左去waiting room等下,點知一入去又磅行李又剩,仲要我地比錢,原來係昆水既公司,一入門口就整張台,懶係過關程序咁,最後整好晒就幫你抬行李上落船咁,我地當然冇比錢佢啦,浪費我地時間,頂
係冇冷氣既地方坐左陣本來佢地話要入冷氣房坐,但入面人太多冷氣又唔夠我覺仲有陣味所以就出番去吹風扇算數.
個零鐘後番到cebu,去左waterfront hotel住,果度係一間casino,所以比起Bohol一定靚好多,而且book房有平,又包早餐,真好.
因時間未到就去左食lunch,食左個又貴又唔好食既日式lunch後就上房,原來佢地係cebu冇planning的,仲話6點去行商場,我當然唔會放過出去既機會,係房睇下有咩當地trademark,搵左幾度就自己一條友搭的士出發睇下野
印象中立過cebu冇咩特別野,但就有間教堂,所以去左Basilica Minore Del Santo Nino,都幾古舊下而且都算大,出面有個祈福既花園仔,再後面有個叫Magellan's Cross既亭,睇左陣就走人了,係Magellan's Cross度見到d細路,應該幾窮下仲要伸手羅錢,不過當然唔比,唔係就煩了
之後去左司機介紹既Cebu Metropolitan Cathedral行左陣,個教堂好新好靚比起Santo Nino係另一種類,不過我都係愛舊野多d,行番轉頭搵的士搭經過一條街仔,好多當地人係度食野,但我未肚餓而且望落好似唔多好食,所以就冇幫襯走人了
去到本身planning既第2站Colon St,簡介話係一條舊街,我覺似鴨寮街咁上下既東西,但就破舊少少,果度冇咩遊客,以當地人多,冇咩太特別,之後見行得耐有肚餓,去左Jollibee食野,食左個apple pie同飲左杯菠蘿汁,不錯
最後去左Magellan's Market,係一個好大既街市,又有d似漁市場,人好多檔又多,極熱鬧,而且好舊既建築物加上一大堆電線,基本上只見到1-2個遊客,其他全部係當地人,而且有個類似貧民區既地方,望落d人比較窮,我幾中意依d原始感覺,破舊同人來人往冇咩人理我,佢地做番自己最忙既睇檔買送收檔等等(因已經黃昏),街市就極有當地特色,我最中意
好滿意地睇左一段時間,又天黑了,去番sm city度join佢地,食過晚飯後就番hotel,有個500piso既泥碼比我去賭場,個場都幾細,一鋪過大細win左500蚊,用左200黎玩老虎機之後就走人了.第日番香港,又早機又要早起,唉
No comments:
Post a Comment