play list

02 August 2011

貝澳camp 2011

預左冇咩太陽唔落雨算係偷笑果種居然兩日都有藍天,係間中落下雨都算係咁,太陽都好晒下而蜆呢,真係唔算多,可能暑假旺季,真係仲有就算係咁,但都有d大既不過要落海摸先有.仲有d怪螺,放佢係度佢會係咁發大好似外星人咁,好古怪,anyway,一整個沙灘d人係咁掘我諗應該都冇咩地方既沙灘係比人不停咁掘鬆晒d泥,

唔知點解今次去多左黃蜂,佢地好似好中意飲可樂,真係煩過不停又見有人驚,所以先痛下殺手,平時我多數由得佢地既,攪到後尾要放生d細蜆算係補償一下

今次冇bbq而係食天使麵煎下牛肉雞翼咁,不過都羅左d蜆整辣酒蜆,味道唔錯,好鮮甜但酒味其實冇咩,攪攪下又食到11點幾,整埋d野1點前先訓,但附近有個營d友仔好嘈,唔知玩咩cardgame,成日係度嗌攪到後尾用mp3個耳塞先好d,佢地應該嘈到3點先靜番落黎,暑假就係咁了,人比較多

第2朝比個太陽晒醒,本身個位係對正個海,一大開個營就係大海景但因怕5點比太陽整醒所以移左位,點知仲衰,個營晒到熱晒局住起身
食完早餐後冇咩做,又係度訓覺,不過訓訓下比海風吹都其實凍凍地,而且張登又硬,訓左陣就起身係度冇所事事吹吹水,又攪下d大蜆咁,之之左左攪到5點幾先走岩岩撞正走人既黃金時間,所以冇的士改坐巴士走,而且新巴士咁岩又有放行李,所以企下都算ok.

最後雖然我冇落水但都係比太陽晒到紅晒,希望唔好甩皮就好了,嗯

<30&31/07/11>
Photo Link <<<<<<<<<<

No comments: