因搭11點半既火車番台北,所以食過早餐後仲有少少時間落左去石灘度行下,真係第1次見到成個灘都係石春,有大有小,而且外型有d唔同,有趣
番到台北時已經一點,係酒店hea下就出發去左南京西路既Booday蘑菇餐廳,感覺也可但其實依度又冇咩特別野好食,所以就飲左少少左食左件cake就走人了,丫,當中撞到個非常熱心既阿姐,佢帶左我地行左好多條街先搵到間鋪,真好人
之後因未夠時間去睇日星鑄字行,所以就係附近搵左檔街邊檔食下野,老闆好有趣而且非常多野講,知道我地香港人就話之前都去過香港,仲講左好幾度地方,後尾仲介紹埋佢個仔比我地識,話佢都好中意香港,成日都黎,又講下香港有咩睇而且國語好左好多等等,哈哈
後尾5點半左右間鑄字行開左,好多大大小小既字模,就咁睇都睇唔清做到咁細真強勁
夜晚去左臨江夜市,其實之前都去過而且望落又冇咩特別野想食,所以行左陣就番西門町紅樓,佢地話之前好多靚仔係果度既bar,不過今次去到又唔見喎,車,講真靚女都見過幾個靚仔真係冇咩,但老實講台灣人著衫已經靚左好多冇我幾年前去咁老土了,有進步
講番紅樓,原來依家整左做16工房,賣d自家出品既野,都幾ok而且價錢唔算貴,我都買左件t-shirt,哈
後尾去左西門町食意粉,味道只係尚可,當中見人攪生日,蛋糕盒仲係好耐冇見過既花花圓盒design,開出黎係比較classic既白色cream花紋上面放一粒櫻桃既蛋糕,哈,真係都唔知幾多年未見過
之後番酒店後又因肚餓,沖過涼後就出番去西門町買外賣食,睇下電視咁,但發覺d綜藝節目好似冇幾年前咁好睇,而且唔同台既節目topic,guest等等都係差唔多,冇果時咁有趣晚晚番酒店追,嗯
Photo Link <<<<<<<<<<
No comments:
Post a Comment