晨早食過幾靚又幾好食既早餐後,就隨隨便便係民宿依度睇下果度hea下,玩下貓影下豬咁上下,果度有兩隻貓,兩隻豬,兩隻狗,一隻羊,周地雞,成籠兔,倉鼠同埋一隻煩到爆開既鵝,怪不知人地成日講既日鵝夜鵝,原來就係咁解的
之後就番房訓左陣再出去食lunch,今次我地就只係去左隔離既酒家食下海鮮同龍蝦,感覺尚可但價錢都唔平,印象中每人百幾度啦,之後冇咩做就羅左支送比我地既香檳飲下,又係望下海景吹下水睇下書咁上下既野啦,我卒之係依兩日無聊既時間睇晒3本放係房既蠟筆小生,哈
後尾因附近冇咩食,所以又call左車出去市中心食,今次我地去左之前一晚經過既街邊小食,聽講係非常出名既飽同水餃,可能因係星期一既關係,冇之前一晚咁多人排隊,好快咁就有位坐同埋有得食了,當中仲撞到一個踩單車既香港人,佢話本來有3個但自己跟唔上所以就得番一個係花蓮之後落番台北,傾過d踩單車既行程,其實都幾辛苦,自問冇咁既體力同耐性,不過台灣既路就係其中一個出名既環島遊既地方,之前睇過一兩度戲講環島遊.風景十分之靚,而且我地坐火車時見到既景色都真係幾好,但一定好熱好哂,咪攪我
行埋市中心途中經過間舊鋪,見有波鞋賣,款比較classic,所以我都買左對中國強,550台幣,都算平了,所以我都買到野,哈
本來想番民宿度影下星星,但因佢開太多燈,光害太利害所以冇影到lu,算啦,我平時去camp都見唔少,哈
btw,係民宿出市中心時,因冇開冷氣只開窗,街既路燈唔多車亦唔多見,所以就好free咁伸左隻手同埋個頭出窗,當然耐唔使會留意下路面情況但抬頭望天加埋清涼既風,感覺非常之正
Photo Link <<<<<<<<<<<
No comments:
Post a Comment