play list

10 June 2011

台北,台東花蓮,台中 2010-10-09to15 - Part.02(10Oct)





搭8點半既車到花蓮,車程都幾長下,去到已經11點,再搭埋的士去目的地越牆工園,都半個鐘後,可以我地太早到.所以房仲未ready,就咁係度坐下望下,環境唔錯,面向太平洋,仲有d干草呀木頭既椅等等,感覺relax,有d似泰國渡假既感覺,而且好多貓貓狗狗又豬又
雞又羊,非常熱鬧,哈

入到房後真係幾靚,可惜就係地下所以對出望唔到海而只係一d樹木,而且老闆娘話因9月打過風,所以好多樹都霖左,有d地方都未整得好晒,佢話我地黎得正係時候,太早又會好熱過多兩星期又會開始凍,聽落台東都真係天氣多變既地方,可能面對太平洋,打風寒風少不免

坐左陣就出市中心食野,原來call的士比就咁係街嗌的士平成半,我地由火車站到民宿4百但出番去只有2百多,非常好

去到市中心其實唔太大,只有3-4條街係比較熱鬧d,所以我個gps死左都尚算ok(可能之前一日比雨整濕左所以出左冷氣地即開唔著,好彩有print地圖),之後因無咩特別野想食,就入左間食麵及水餃既地方,d餃真係幾好食但麵呢就完全冇味道,哈,而佢係隔壁買既果汁呢,就真係用生鮮生果做,唔錯

之後就係離開最熱鬧既街再行遠少少睇下,感覺有d似日本,但開既鋪唔多,街頭亦冷冷落落,後尾亦行左入去街市睇下,之後無無聊聊既就行番市中心,行左入一條舊鐵路行人徒步區,地下係鐵路既路軌,但已填平,旁邊保留左一d火車既路燈街燈等等,感覺尚可,後尾因時間多既關係,就入左間叫春田咖啡既coffee shop坐左陣,最後攪到天黑先走人

諗晚餐食乜時就想起出黎時司機大佬話有個夜市係南濱公園,應該有野食,所以最後就決定左去睇睇加埋食晚飯,可能係星期日既關係,夜市唔太多人但就保留左好多比較舊式既攤位遊戲,行下走下去左海邊,有好多人係度放煙花,都算熱鬧但可能因煙花既質數一般,好易周圍飛,都有d危險,哈

後尾去左間地攤,叫石板烤肉,叫左d肉呀班甲呀仲有烤餅等等,個烤餅幾好食,而個竹桶飯就外型特別,但味道就一般了,一路食住地攤外面一路放煙花,其實都幾有趣

Photo Link <<<<<<<<<<

No comments: