play list

14 April 2011

日本 2009-11-15to19 - Part.03(17Nov)


一早起身食過早餐後就係酒店行下,後尾番到房佢地先話要再行,我就因之前自己一個行過,所以留番係房等佢地,後尾先知原來我地住果度係新翼,佢地出去時店主帶左佢地行舊翼,我錯過了,哈

之後離開酒店再係附近行下,今次因冇祭典既關係,人比之前一日少得多,我地亦可自由係舊街行下睇下野

首先去左龜屋買和果子食,好精細,我地買左幾個就坐係人地門口食,又切又分又影下相食下咁,卒之食都食左半個鐘,哈

之後去左間買漬物既地方,入面有個庭園,好靚,佢地有個漬物壽司,有趣

再去左龜屋榮泉,原來都幾舊歷史下,有個芋果子歷史館,不過又要除鞋,著boot真係煩,唉

去到到一間叫冷月山既廟,其實我都唔知果度算唔算係廟,不過有幼稚園但幼稚園旁又係一個小朋友既墓地,比較古怪

再行係果子屋橫町,路過1-2間咖啡店,幾有特色,去到主街,人不算太多我地買左雪條係度食,又再一次嚇親日本人,佢地真係好怕凍架喎,不過唔佢係佢地眼中我地又係咪好痴線呢,食完雪條後去左一間話係元祖既果子店,入面幾舊下,我地買左一d卜卜脆既咸食,唔錯,其實依度極條街都幾古舊下,聽講係保留百幾年前既風貌,我幾中意依度

之後走左去食lunch,一間似乎係專買鰻魚既定食鋪頭,我叫左個中既便當定食,1300yen,還可

食過午飯係時候番東京了,原以為係川越一個香港人都撞唔到,點之上火車之前居然聽到廣東話,唉

番到東京就去左新宿西口睇睇,斑馬線打斜好有趣,再去原宿竹下通,型人地方,嗯,都係唔岩我了,之後經過harajuku st行去澀谷,感覺冇竹下通咁多人咁迫,去到澀谷區,亦都係五光十式既招牌,再一次銅鑼灣既感覺,但當中經過一條頗高檔既街道,我唔知叫咩名呀,不過好有個性感覺幾好,係表參道食左個包後走左去睇忠犬八公像之後就到澀谷巴士站,我地今次搭巴士,哈

去到六本木想睇下森美術館,但時間太晏既關係,我地只好去Mori Tower既展望台睇睇東京夜景,影左個零鐘東京鐵塔加東京夜景後,就走人了,可能佢冇咩高山既關係,可以望得好遠而東京鐵塔就好似主角咁高高企係中間,不錯

攪到9點幾先開始搵野食,番番酒店附近既歌舞伎町搵食,但可能時候已經唔早,所以好多鋪都關左,求其搵番間第1日經過既燒烤食,韓燒的不過係放題,算啦

但有人飲醉酒,攪到我地好忙,但就上演左一幕衫架打仔既片段,好笑


<17/11/09>
Photo Link <<<<<<<<<<<

No comments: