30 April 2011

Hellraiser

~~Hellraiser(猛鬼追魂) - [1987]~~

相當經典的hellraiser,不錯,夠黑暗夠血腥而且亦是我喜歡的80年代特效化妝,女角Julia相當的冷酷,喜歡,故事也吸引,魔鬼盒子因好奇而打開放出了種種災難令我想起pandora box,而且uncle frank和kirsty的一段對話也隱隱說出生存在世之痛苦,電影中也看到很多後來不同電影的影子,e.g. Matrix,Cube,Saw等等,可能是我想多了但電影內的人物造型真的有夠前衛有夠經典,而且帶點Gothic的感覺,雖然結尾收得有點簡陋,但當是classic movie來看也不錯

<28/04/11>

29 April 2011

Art of the Devil - Khon len khong

~~คนเล่นของ(Art of the Devil-Khon len khong,惡魔的藝術) - [2004]~~

因Art of the Devil 2才找這套第一集先看,感覺上比其他泰國恐怖片差,首先是故事實在非常之簡單,一般被拋棄之後復仇之故事,但此片就比較則重講故事,所以整套片就變得非常之普通及平淡,至於血腥驚嚇場面,也比較一般,但仍有兩點可取之處,第一是女角的演繹不錯,一時一面純真另一時又露出凶狠,演得不錯,另就是對於降頭蠱術的描寫,拍得比較詳細,雖然也找到暇疵,但尚可

<28/04/11>

28 April 2011

Vivian Maier

多了點這位默默耕耘充滿拍攝天份的Vivian Maier的報導及圖片,希望她的作品會越來越多於在這世間面世






27 April 2011

I'm Not There

~~I'm Not There(自由馳騁) - [2007]~~

令我差點投降的電影,首先當然是我對此片極其含糊的了解,不論是事前的準備功夫又或者是我對Bob Dylan多姿多采的生路歷程,加上此片很常用比較抽象的拍攝而且又支離破碎人物眾多前後跳接,我看得差點死掉,還幸看了差不多大半時才能找到當中的方向及步伐,但當然對於整套片本身的內容及架構來說,完場時最多只可稱作一知半解,這是我看畢電影再在網上了解後所得出的結論,哈哈

<27/04/11>

26 April 2011

Straw Dogs

~~Straw Dogs(稻草狗) - [1971]~~

看前當然是不知內容的電影,但poster看來應是暴力之作,喜歡電影的前部份,所有人各懷鬼胎,強烈感覺到並不如表面簡單,再繼而是不停加強主角被isolate的感覺,有種美式困獸鬥之格局,各村民的野蠻獸性,宗教的信仰教堂的氣氛群黨式理所當然的作惡,主角默默承受什至乎霧夜的格局氣氛等等,令我不停想起人間狗鎮,又是講人性的故事,此片充滿不安及拉扯感而且比狗鎮感覺更貼近更真實,但我不喜歡最後的暴力手法,雖然冷靜是男角一直以來的設定,最後的以暴易暴亦是理所當然,但可能我不太知足,總感覺是將由頭到尾一直越收越緊的弦一下子放出但又欠缺了那種導向性及追看感,可能當年會比較震撼但我現看來一下了很美式的感覺,整體因最後的幾十分鐘弱了,哈哈

p.s.房中鏡出現了很多很多次,相信亦是加強電影的懸疑及拉扯感吧

<26/04/11>

賽馬會點對點社區藝術計畫 & 不視而見安杰路攝影展


首先到左中環7&8號碼頭睇左個賽馬會點對點社區藝術計畫,當中有數個topic,多數由藝術人作者聯同學生製作,感覺滿有趣

第一個係森林的記憶,比較大型一點既藝術裝置,可以容納一個人走入內,全部用木條製作,造型有鹿,兔,蝸牛,熊及一隻比較抽象一點既動物,已經唔記得左係咩了,哈

第二個係編織碼頭,將編織品及工具放大,可惜地點光度不足既關係,比較難影一點,而且粉紅色既關係,有一d比人踏污糟左,可惜

另一個比較有趣既係名我都唔知係乜,如果唔係地下寫有點對點藝術,我會以為係大樓或商鋪裝飾,用漆料畫係玻璃屏風上,特色感一般但我幾中意佢既內容,滿輕鬆有趣

最後一個係香港晚餐,好大幅既畫畫左係彎彎既窗上,展示既係香港傳統而有特色既食品,象徵及作表性不錯

之後我搭渡輪過番尖沙咀,去左睇重慶活方商場-不視而見安杰路攝影展,用連拍,off-finder及腰臀之間對焦拍攝,角度及表情捕捉一流,當中比較特別係將一連串既連拍相放埋一齊做出pano效果,但似有還無的將pano當中斷斷下的大忌忽略,但感覺一流,依類相片展覽總會令人多一刻體會

最後番家途中經過parklane,加上filter拍出黎既parklane原來感覺良好,色調係我喜歡的,以後多點用filter拍夜景先得

<21/05/10>
Photo Link <<<<<<<<<<

大圍來來重慶雞煲

大圍來來重慶雞煲,等位唔算太耐,可能好多台啦,開到成條街都係,但煲呢,可以(可能食過廣州農莊果d有比較,哈),小菜一般,但5個人300幾,算係咁啦

<25/04/11>

25 April 2011

鹿頸-鎖羅盆-荔枝窩-三椏涌camp


鹿頸>鳳坑>榕樹凹>鎖羅盆>荔枝窩>三椏村>三椏涌>上下苗田>九手旦租>烏蛟騰

因天雨及雷暴警告關係一度想取消,但一早未見有狂風暴雨所以研究過後我地照舊9點半到粉嶺集合

經過鳳坑一地都係蠔殼,多到比d海浪沖埋晒一邊,可想而知真係多得幾緊要

到左谷埔村附近既松記本來想食蠔,但得番d珍珠蠔,仲要羅黎整蠔餅,所以冇食到就走人了,之後經榕樹凹走左入榕樹凹村,依段路因鎖羅盆已經封左,所以一路都見唔到人行,而且仲生左好多蜘蛛網,去到榕樹凹村,又係廢村一條,但我地出左去海邊睇睇,環境不錯,仲對到正鹽田港,所以就順手食埋lunch,之後無聊既關係,仲走埋出海邊睇下有冇蜆之類既東西,點知比佢地發現左原來有蠔,拆左隻出黎仲好肥下,所以就開始左執蠔拆蠔煮蠔大行動,我見真係幾肥美下所以就生食左一隻不過真係好咸,都係煮左好食d,行動直至2點幾3點,佢地爭d唔願走要係度扎埋營咁濟,但之後我地繼續番本身既行程去到鎖羅盆

到左鎖羅盆並冇想像中既鬼異,相反仲有好多樹比人斬晒攪到黃泥處處,破屋亦同其他地方冇咩唔同,只太多蚊同趕路既關係,所以我地冇咩逗留就快速走人,去到路口見到個地盤,仲有水喉,所以就問左d地盤工人想羅羅水煮埋先走人,後尾我地考慮緊要繼續行走係附近扎營算,因已差不多天黑,而且我又好想睇荔枝窩d古樹,黑蚊蚊咁經過好似浪費左個行程,而且又有水源,地盤工仲好好人咁同我地講如果落雨叫我地入去間屋度訓添,不過就提我地好多蚊,所以後黎我地出左堤壩度扎營,點知夜晚都係比蚊/蠓仔咬死,所以我著晒襪,風褸笠埋頂帽避開d蚊&蠓仔,蠓仔真係唔怕蚊香仲要一咬就痕成個禮拜,太可怕了,後尾食過飯後就快快訓覺,果時都未夠10點,真係最早訓覺既一次camp了,本來以為除左我地中途比水警照後早早訓覺就完事,點知我可能因下晝食左6-7隻蠔後頂住左個胃,攪到12點幾要出營嘔,就係依度出左事,係我嘔既途中比蠓仔狂咬,卒之就咬到腳有7x幾粒,手3x幾粒,痕死我o剌今次,為左食幾隻蠔依下我真係慘,下次都係咪理咁多,如果多蚊既地方even出一出去小解都係做足安全措施算了

丫,爭d唔記得講我地岩岩到鎖羅盆時見左1男帶2女影相,女既仲作cos-player打扮,果時見佢地露出兩條大腿日落時間走入鎖羅盆,應該都知比蚊咬死,開頭以為佢地影完相後會出番黎原路走or租左船出番去,點知一直都唔見人,如果佢地跟我地原路走應該會好有問題,因一來已天黑,就算唔比蚊咬死佢地既裝扮入山都會好凍,2來佢地就咁行都好困難,因岩岩落完雨,成地都係泥,我地行山裝日頭有d路都唔好行,仲要係cosplay既裝扮上山一定好冼好難行,仲要唔知有冇水有冇電筒而且出番去都要3個鐘去到村口亦冇van仔,唔知佢地點攪,但已經太遲我地真係幫佢唔到了,果刻我地只好祝佢好運,雖然預知就算冇事佢地應該都會比d蚊/蠓仔咬到睇醫生了

因為係壩度訓,第二朝一早起身唔想阻到人,我地食左早餐後9點零就起行,去到荔枝窩睇過古樹後就食豆花同埋沙薑雞,價錢及質數尚可,同村民講開係鎖羅盆扎營,佢地就講果度好猛鬼,仲講左我地訓果條堤壩原來6-70年代因偷渡關係,好多人死左收唔切,條壩就做左臨時放屍地,哈,我地不以為以果時我仲心諗猛唔猛鬼我唔知,我只知鎖羅盆d蚊&蠓仔好猛就真

後尾坐左陣就走人,雖然某d古樹地方已經比政府欄起晒入唔到去睇,但出荔枝窩條小河就好靚,好有一種原始感覺,d魚仲好大條,揀左日頭先行荔枝窩係好岩的

之後經三椏村出三椏涌,上下苗田,九手旦租出烏蛟騰,因之前出黃竹角咀已經行過所以冇咩特別,前前後後兩日用左6個鐘左右行晒成段路,食過蠔睇過一二處我地想睇既地方,幾ok了

下年應該會再plan去鳳坑執蠔,因為實在太多太肥了,嗯

<15&16/05/10>
Photo Link <<<<<<<<<<<

24 April 2011

1881 Heritage, 金巴利街舊大廈 & 展覽- 香港6-70年代-一起走過的日子 & 馬克.呂布(布列松)50年攝影回顧-直覺的瞬間



首先到舊水警總部參觀1881 Heritage的導賞團,可惜因平日的關係,某些位於酒店內的古蹟看不到,看來要再次在星期六日到1881再看看才行,但因有導賞的關係,比自己看知多了點點,在導遊小姐友善的介紹下,我看了1881內的防空洞,知多了本來的地形,另看了時間球,前馬房的外圍,印度式的銅木陽台等等,再自己走到前消防局旁看看古老的消防車,但其他的掛牆鴿舍,壁爐及監牢等等全看不到,唉

之後再到歷史博物館看看香港6-70年代-一起走過的日子展覽,可惜展品比想像中少,但當中20多分鐘的片段不錯,由6-70年代的成衣說起之後就是街道,士多小食等等,還算有趣,但大堂旁邊因工程關係,很嘈吵,感覺不太好


之後經過金巴行街到地鐵站,原來舊樓不少,但應該快將清拆了

最後到了大會堂看了馬克.呂布(布列松)50年攝影回顧-直覺的瞬間,大師果然是大師,目光觸感一流,但可能因在香港展覽關係,感覺太多中國的相片,有些在我看來只是一般而已

<14/05/10>
Photo Link <<<<<<<<<<<<<

數碼港&葛保諾的科幻世界


朋友約了到數碼港影畢業相,印象中對上一次到數碼港已經是很多年前,當時很多建築物還在興建當中,這次就已經發展得相當完整了

水池及大草地不錯,人亦不太多,相反狗就有很多很多,很是一個放狗的好地方,對開海面亦十分開揚,可惜雲太厚,看不到日落

商場剛好的展覽是做葛保諾的科幻世界,之前在網上見人影了不少相,這次因利成便看看,油畫我覺一般相反銅雕像我就覺非常精細,很不錯

但數碼港真是太遠了,下次不知是那時會再到此地,哈哈

<08/05/10>
Photo Link <<<<<<<<<<

豐力樓及飛鵝山


因第2日係假期,係尖沙咀食過飯後過左豐力樓影相,因冇左機場既關係,景色麻麻,其實之前從冇去過觀景台影相,只係係巴士上高高在上咁望,去到觀景台可能位置較底,加上好多樹,所以我地只係影過幾張相停左一陣就走人了

因再次肚餓既關係,過左深水土川食少少野先去飛鵝山影相,印象中都好耐冇上過飛鵝山了,對上一次應該都over10-12年前,果時機場仲未搬,所以望落去加上機場跑道就非常之靚,但依加機場搬左望落就爭緊少少咁,不過算啦,就咁望其實都幾靚幾ok架o剌,不過始終有霧既關係,影落都係唔多清,加上得部lx2同埋冇腳架,算啦

<01/05/10>
Photo Link <<<<<<<<<<<<<

Terje Sorgjerd

The Aurora

The Mountain, same product from Terje Sorgjerd

23 April 2011

荔枝莊camp


對上一次去荔枝莊已經係06年既事情了,一直都對佢一般,因為一來冇地方去廁所,加上人又多,每次去小解時都好煩,但依度就勝在羅水容易又有地方洗野,而且又有海灘可以玩下水,地方亦幾近,今年四月再次黎到荔枝莊,原來已經變左地質公園,雖然唔知有咩咁特別可以做到地質公園,但發覺比06年時既水質好左好多,d海水好似水喉水一樣咁清,加上安左2個流動廁所,所以相當不錯


講番今次camp,天色非常之好,天上既雲同埋日落前既magic hour非常不錯


不過夜晚燒野食野我就發生左少少意外,首先我地燒燒下野食,我就灘左係地下(有張大膠布係地)個fd走開左,我用佢張小"登"仔long腳佢一野用隻拖腳打我腳板,我仲係度鬧個fd打得我好痛,後尾先知原來我整霖左個蚊香,個蚊香辣穿左張膠布,辣埋我隻腳板

我即睇下有冇起水泡,呼,但我仲未受到教訓,當我繼續燒野食時,除左隻拖鞋周圍行,點知踏到另一個燒剩少少既蚊香,成個人既重力踏埋個蚊香度,今次痛到仆街同即時起水泡,攪到我唔做得腳踏實地,好彩今次唔係行好遠,如果唔係平時既wild camp郁下都行幾個鐘既就大獲了.唉

<24to25/04/10>
Photo Link <<<<<<<<<<<<<<<<

科學館對出空地


電影節有幾套戲都係科學館睇,係等入場時發覺對出天橋望番落地面路人行過既倒影幾特別,所以轉登羅左部機去影,不過冇腳架影落都幾麻煩,效果一般而已

<05/04/10>
Photo Link <<<<<<<<<<

天文台&古物古蹟辦事處


天文台 - 係cityplaza睇完電影節後就過左去尖沙咀睇天文台開放日,所睇既野唔太多但第一次直接接觸平時天氣既測量儀器,還可以,而大樓因人太多既關係,只可以影到人頭處處既建築物,哈,另順手睇埋佢既後花園,都幾多古樹喎


古物古蹟辦事處 - 時常經過但從未入過去,可能每次都係關左門所以冇咩機會,但今次睇完天文台後又有相機係身咁岩又開左門,所以就入左去影下相,其實依度真係幾舊同幾靚,磚牆既顏色建築物既外型等等頗吸引,不錯

另順手影下park lane既樹根,加埋陽光,都幾靚丫

<28/03/10>
Photo Link <<<<<<<<<<<<<<<

22 April 2011

Jamie Beck

interesting(gif file but can't activate in this blog, go to website to check it =] )

19 April 2011

這叫傳神呀!

喜歡 =)

18 April 2011

New World Center


路過尖沙咀遙遠咁用雞記電話影左幾張相,仲要影影下好大帽好似唔想比我影咁,anyway,11年既今日,唔知攪成點呢又?

<28/02/10>
Photo Link <<<<<<<<<<

17 April 2011

大東山爛頭營2009(大東山16號屋)


第3次上大東,今次係最唔凍既一次,溫度18-20度,但大霧得好緊要,slient hill一樣,完全不一樣的景色及感覺

到左食過午餐,係附近行一陣就去左天池,都係大霧一片但可以天氣唔係太凍既關係,比上次多左人露營,應該有成8-10個營,嗯


去到天池仲見到好多和味龍,仲有d好大條下,睇左陣因為就天黑所以就走人了,岩岩見到日落又見到雲海,真係唔多似係香港,哈

但16號屋呢,實在太細太細,我地今次係最多人但就得間最細既屋,全屋得4張床加2張帆布床,仲要果4張床得1張番得2個人,另兩張就只可訓一個另一張就放滿晒野,訓都訓唔到,攪到有人要訓地下,好彩天氣唔算太凍o者,如果唔係就大獲了

而且依間屋既床連墊都冇,齋訓木版硬到死,去依間屋真係要帶地蓆

打過邊爐後就出左去睇星星,因為天氣冇咁凍既關係,我地今次出左去可以停留耐d,但因多雲,冇對上一次咁多星,但流星都見到幾粒,最後因太倦既關係,冇玩到任何東西就訓覺lu

第2朝我地搬左張台出去煮早餐同午餐,加埋玩左陣大富翁,感覺不錯

不過今次居然有人以為我地係士多,係咁問有冇野食同水賣,真係比佢吹脹,次次都係有人問間屋點租,比人當士多都真係第1次

食過午餐後3點幾開始行,由南山走去梅窩,但今次冇經黃龍坑,感覺好似短左d,途經既草已經變晒黃色,加上今次帶大機,影出既相尚算滿意

<12to13/12/09>
Photo Link <<<<<<<<<