play list

08 March 2010

歐遊(倫敦,巴黎,巴塞隆拿) 2008-04-30to12 - Part.05(03May)

貳零零捌年肆月貳拾至伍月拾貳號 - 歐遊(倫敦,巴黎,巴塞隆拿)

03 may 2008 Sat Paris Sunny day


食過早餐後開始出發進行第3日既巴黎之旅,今日去既地方係rue Mouffetard既傳統市場,因佢地係12點會收市,所以10點幾已經到左Place Monge站,但可能mark既地方唔太岩,我地搵左好耐都搵唔到類似街市既東西,反而行行下去左附近既法院行政區,宏偉而古舊既建築物,天氣好真係影咩都咁靚
之後行番原路開始搵食,食左一種叫Crepes既東西,以為係熱狗之類既野,但見佢雪左係雪櫃,研究緊佢究竟點食,行行下搵到間最平既鋪頭,用2.5食左個叫saumon既東西,原來佢係用部好似多士機既物體一野壓扁佢,真係估佢唔到,但熱辣辣食落好正,正想走人之濟,原來個傳統市場係我地反方向既地方,而且仲未收晒檔,急急腳行過去睇下,好多生果賣,仲有d酒呀,甜點,pizza等等,可能時間晏左,唔算得太熱鬧,係Rue Jean calvin依條街沿途,仲發覺好多噴畫同graffiti,有d都幾有趣

下一站係Shakespeare & Co.Bookshop,好舊既書站,無論門外與門內都幾有特色,不錯


無幾遠係巴黎聖母院,教堂入面真係好大,但人就真係多左d,仲見人做緊一d彌撒既東西,但嘈成咁佢地真係有d難度,出左教堂,門口附近既花園d花種得幾靚,連我依個唔多影花既人黎講都影左少少,中間仲不停咁比人叫我幫佢地影相,唔通我個樣真係好專業?哈哈


之後去左龐比度,依個係貴東西,要成10蚊,但去得paris無理由唔去架,入到去有個Louise Bourgeois既專題展覽,佢既風格以女性既天職為主,由小小既一幅畫到好大型既展覽品都有,偏鋒而象徵意味農厚,真係好鬼岩我睇,但儀就同我正正相反,所以好快我地就分道揚鑣各有各睇lu,因我本身好中意睇展覽,睇完Louise後去左數個展區,有d展品我都好中意但有d就一般,可能我都係中意象徵意味多於過白既展品,行行下卒之行晒3層既展區,因約定會合既時間仲未到,所以搵左一度冇乜人既地方坐低左,舒適而不太高既皮坐椅,面前一塊大玻璃加上和暖既太陽,好快好快我就訓左lu,發覺原來我每一度地方只要有空閑時間,我都可以訓下覺,哈哈

離開龐比度前,去左一個買野既小商店,入面有個叫human zoo既展品,裡面放既係各國不同種族既藝術家作品,有個係一個中國人拖住一棵菜行過大街小巷又或者去到一d國家請不同既人一齊拖住依一棵菜行行街影影相,極度有趣,哈哈

Part.06(04May-PAR)

<30to12/04/08>
Photo Link <<<<<


No comments: