play list

05 March 2010

歐遊(倫敦,巴黎,巴塞隆拿) 2008-04-30to12 - Part.02(30Apr)

貳零零捌年肆月叁拾至伍月拾貳號 - 歐遊(倫敦,巴黎,巴塞隆拿)

30 Apr 2008 Wed London 5-6 degree rainy day

London因晨早6點半鐘機到,時間最好用,但其實停留倫敦唔耐,行程亦好緊密,其實我好多年前去過2次,但相隔太耐,停留時間亦唔長,冇咩印象lu

terminal 5因新開冇幾耐,所以咩都好新下,underground d指示唔多清晰,planning亦冇detail咁計畫好車點轉點搭,所以係T5要少少時間研究下,排隊買飛時有個熱心既工作人員教我地點搭,比張紙佢睇仲流晒汗滴濕埋我張紙添,睇下佢幾咁熱心,一日飛要成13.8,攪乜咁貴架,所以london都係不宜停留,早走早著


london既tube實在太嘈,番工時間人又多講野都講唔到,發覺d英國人好中意睇免費小報,睇完放低係車比下個執黎睇,但咁就攪到一車都係報紙,都幾烏糟下


我地首先去左king's cross st我地住果間hostel度放低d行李先,我揀依度除價錢唔太貴外(24磅一人),地點方便同埋有得羅房前放行李唔收錢,網上comment仲不錯添,有機會去london既朋友,可以諗諗依間hotel meridiana. 雖然係細細間要share bath room,但裡面既設備不錯,房內有電視水煲衫架洗手盤,街外景觀亦幾靚,我相當滿意lu

羅左少少輕便物品後,出去第1站Brick Lane,因雨天關係,羅住把傘影相好鬼煩,但london就係london,落雨係預左架啦,Brick Lane附近係一個舊區,有個傳統街市old spitalfields market,但好似已經裝修過,冇甚特色了,途中經過教堂叫Christ Church,舊舊地既外型襯上雨天,都幾靚架,之後左左去一間酒吧門口,儀話果度睇相好靚喎,我又唔係幾覺,反而途中既Graffiti幾過癮就真,之後行左去一座唔知咩既建築物,長長地成支野咁,影左幾張相後睇下買衫既所謂朝聖地Brick Lane,又入左去一個唔知咩既商場搵野食,但d野實在太貴,我地係咁食美儀買比我地既零食齋雞粒醫肚,真係爭d餓鬼死,儀就仲慘過我,佢比老母冼,話london果幾日好熱,可以著短袖衫,佢就咁一件短袖加件薄薄風褸係5-6度既london街頭行,食住美儀既齋雞粒黎一個饑寒交迫,哈哈

跟據行程,12點半左右我地去第2站係去大英博物館,因之前時間overrun,雖然Brick Lane冇咩特別野睇,但我地都攪到2點半左右先開始去大英博物館,果時我因太凍同埋太肚餓,聽過儀話佢細佬講博物館門口既熱狗係好好食既,所以我一早個心已去左博物館檔熱狗檔度lu,熱狗成2.5一個,貴係貴d但我估好食掛,但雖然我咁肚餓原來都係一般,儀又比屋企人冼o剌,佢自己都係咁話

因又再落雨,我地入左去博物館門口度食野,果度都幾多人坐或企係度,我地食完野就羅左個唔知咩鏡出黎影相,影下人幾過癮

之後入左去博物館,但裡面既野雖然多但其實幾亂,一間房可以有好多野,櫃內底層又放左一堆二堆,睇睇下已冇咩癮了
再黎第3站Oxford & Piccadilly Circus,儀話瞬間看地球喎,但岩岩落完雨,有藍天,都不錯,可惜Oxford已唔同晒,冇晒熱狗檔,變晒一間二間名店,我地仲越行越貴,行到死死下,攪到之後既行程都唔敢話近唔搭metro

最後一站到Westminster,雨天既big ben不錯,london既雨天當然有佢一定既吸引力


之後行埋london果10個景點,條街個名已唔記得,只記得行到死死下同埋一到景點羅部相機出黎就即刻落大雨,行既中途又唔見佢落雨喎,玩野咩,不過其實已天黑,途人亦越行越少,有度仲意大利既小巷咁,其實都幾靚既,如果唔係就腳斷又落雨又大風既話,我地應該會一次過行晒咁多個景點,事實上,我地卒之去到london bridge後放棄了,實在有想死的感覺

番到酒店人不多我地好快咁沖個涼後就坐係洗手盤邊食麵,仲好快訓左因為第二朝要趕早機到paris lu.

點解去法國坐飛機唔係坐火車?因火車都要成港紙800蚊,我地搭ba去paris同埋西班牙番london來回都係1644咋,所以第二朝晨早6點半起身趕番機場搭9點機囉

Part.03(01May08-PAR)

<30to12/04/08>

Photo Link
<<<<<<<<


No comments: