30 November 2008

Sidilarsen - Une Nuit Pour Sept Jours

一隊個人喜愛的法國組合Sidilarsen於10月推出的大碟Une Nuit Pour Sept Jours,延續了強勁而悅耳的音樂節奏,對!是我愛的alternative metal

Try this Song : Le prochain été
Official Website : http://sidilarsen.free.fr/

<30/11/08:日>

moumoon - moumoon

清新舒服而帶點點外國色彩的日本組合moumoon,外國色彩不是單指英日交雜的歌詞,而是整體音樂的旋律及感覺,得出來的效果相當和諧,不錯

另主音Yuka非常年輕而相貌不俗,唱歌技巧亦自然而流暢,因主力作現場表演,演繹造詣亦相當之高,可多加留意的日本組合

Try this Song : Pinky Ring ,另追加一首前作Flowers亦相當不錯

<29/11/08:夜>

29 November 2008

Paramore - Riot! The B-sides

美國相當灸手可熱的Punk-pop,Emo-punk樂團Paramore,賣點是年輕而充滿活力,女主音Hayley Williams是當中最重要的selling point,年輕漂亮迷人而滿有性格的外型,加上令人相當有印象是她有力狂放而揮灑自如的唱腔,最重要是只有19歲之齡可以有如此功架,怎會不突圍而出廣受各方年輕人士愛戴

雖然只聽過07年的RiotThe B-side, Riot比較pop,個人不太喜歡,而B-side則Punk得來玩味感多一點,變化多一點,他們在我的定位是介乎於愛與不愛之間,可能我不愛純punk和純pop,所以他們的音樂節奏在我來說尚可,當然有了Hayley偏袒之心自然加添不少,哈哈

Try this Song : Decode
Official Website : http://www.paramore.net/

<29/11/08:夜>

惹鬼回路(舊片重post)

~~回路(Kairo-惹鬼回路) - [2001]~~

故事古怪但個人感覺蠻不錯,雖然比較難以捉摸但氣氛凝造得頗為恐怖,日文名只叫回路,但不知實際解釋如何,電影開始不久公車那幕只得主角一個人,不知是暗示末日來臨之景象還是故事用上倒序方式拍攝,不過這個一點都不重要,整個故事其實是圍繞鬼滿之患-找替身-取代人類而走上地面生活,方法是鬼魂現身嚇人-被嚇者希望可以用某些方法封鎖怪事-但不久失蹤-朋友追尋失蹤者亦會相繼失蹤-最後朋友的朋友會收到提示去搵所謂的密室亦相繼出事(這一切一切只是我的意會=P)
btw,片中鬼魂造型很老式,像粵語片中呂奇的感覺~哈

<14/11/05>

26 November 2008

灣仔船街-續(聖璐琦.3)

當所有人出番晒空地既時候,當中負責影相既人發現左一樣野,就係原來3個影相人由地牢直至空地再入埋課室出番黎所影既相,全部黑蚊蚊冇野睇,照計地牢同埋課室太黑但用閃光燈影相應該唔多唔少都可以影到d野,再者,地面因露天加大月亮既關係,人都可以好清楚到對方到但用相機加埋閃光燈都係漆黑一片,一部機二部機同一狀況唔奇,但三個人全部都係咁,果一刻已經異常古怪,隊員唔信邪再用閃光燈加電筒打燈再影多幾張試試,情況都係一樣,果一刻我地知道原來係佢地唔想比我地影相,所以之後我地收埋晒d相機冇再影到

當時因我冇咩野做既關係,我開始留意到周圍既氣氛異常,起初發覺周圍好嘈,當中有好多好多狗吠聲仲夾雜左好多雜亂既聲音,分唔到係風聲樹聲定係車聲,但係真係嘈到我地爭d聽唔到其他人講野,當佢地周圍影相研究同埋發現古怪既同時,果一刻我又突然發覺周圍好靜,靜到一粒聲都冇,狗吠聲冇晒,風聲冇晒,整個過程係好突然咁冇晒,雖然我接觸靈體既經驗唔多,但當中既變化亦好易感覺到有所不同,望上再上兩三層課室既時候,雖然我咩都睇唔到,但唔知點解心入面既感覺怪怪咁,當中有經驗既隊員話上面一d都唔簡單,佢地話樓上既走廊有d靈體已經僕左係度望住我地,我再向上係咁望,但都係咩都見唔到

之後我地既然影唔到相,所以就決定左上上面既課室睇睇,但上左一層既時候,因樓梯係可以望番空地同埋課室既走廊,佢地就話見到越黎越多靈體係走廊,係咁望住我地,果一刻心口既壓力亦越黎越大,我地決定左唔入二樓再上多一層直上三樓,但係未轉上三樓既同時,佢地有人見到三層樓既走廊已經企左好多靈體係咁望住我地,我除左感覺壓力比地下二樓大之外,亦覺得有一種怪怪的不安感,當中有個學過法既隊員話可以排個唔知咩咩7星陣就可以安全d,當解釋完一大爛餐後發覺我地得6個人排乜鬼7星陣丫,哈,果一刻感覺輕鬆番d但心中既不安感依然存在,我地stick左係二至三樓研究左好耐上唔上去,過左一陣,帶隊既人一聲令下,決定全體撤退,由空地入番地牢走出學校既同時,發覺到之前我地入去推開晒近出口既課室門竟然全部已經關番埋,冇風又冇人點解會自動關門,好怪,但我地冇再花時間研究,就出左學校行番去公園講番所遇到見到同埋感覺到既野,當我分享緊自己既怪怪不安感既時候,帶隊人就講番點解佢會決定左唔再上3-4樓,原來我地stick係二三樓樓梯果時,佢感覺到有種引我地上去既力量,而背後係一種不懷好意立心不良既感覺,佢知道頂樓果度一定有一至兩個比較高能力既靈體係度,如果我地堅持再上一定有事發生,所以佢就決定左走人,而依種就係我所講既怪怪不安感,原來如此

經過一連串既分享研究之後,我地決定左唔再入紅屋而走人,因為7月佢地實在太強,我地要過埋鬼節先再攪過另一場聖璐琦加紅屋探險

後續

<26/11/08:夜>

25 November 2008

灣仔船街-續(聖璐琦.2)

我地上到地面之後,就到左學校既空地,其實果度地方唔算太大,空地中有一大堆疊起晒既舊木台舊椅等等既雜物,可以行既空間唔算太多,兩旁係樓高4層既課室,窗同門亦理所當然地全部殘殘舊舊溶溶爛爛,而前後就各有一條樓梯,樓梯亦唔見得完整,佢既後面就係一大堆樹

因當時係農曆7月既關係,天氣相當熱,我地由合和行上去船街到係公園開完會直至到聖璐琦門口都熱到成身汗,但唔知點解一入到聖璐琦地牢直至到出地面,當中既空氣有種涼涼既感覺,當時已經覺得好怪,其他人我唔知,但依種寒一定唔係來自恐怖又或者任何驚到心寒既原因,因為我地所企既空地其實係可以望到個天既,而7月中個月亮又大又光,電筒全部關晒都可以好清楚咁望到晒所有隊員,其實人由一個又窄又黑蚊蚊既地牢出番空曠少少又光又剩既空地,心入面既緊張情緒自然會消散,所以我好肯定果一刻自己一d驚既感覺都冇,依種涼涼地既感覺在我黎講相當有趣同埋新奇

果時我地已經有二至三個人入左就近既一兩間課室睇睇同埋影下相咁,雖然我冇入到去但就跟左佢地係門口望望,見課室門口有人燒過香,入面就係一d亂7八糟既舊木台舊椅,用電筒再望多少少,原來課室既窗係對住一幅牆,所以出面既月光一d都照唔到入課室,裡面死氣沉沉,有個陰陽眼既隊員入左去冇幾耐就好快咁走番出黎,聽佢講裡面見到有野,但我就咩都見唔到

下續


<25/11/08:夜>

23 November 2008

灣仔船街-續(聖璐琦.1)

其實我見鬼既經歷唔多,印象中只係細個時係屋企個窗望到對面天台有個綠色靈體,冇咩特別只覺得好奇怪,之後就從未見過,但自己就對鬼神極有興趣,細個時已經係慈雲山黃昏6-7點自己一個坐係走廊睇怪異集,左右同埋前面都係一條條冇咩人行既陰暗長走廊,自己一個係度睇鬼書都唔好話唔陰森(可能街坊行過會覺得我係一個怪小孩,哈哈),但我偏偏極中意依種氣氛,細個時亦試過好多次夜晚訓唔著,係上隔床透過氣窗,望出去一個人都冇既暗黃走廊,唔知點解總係有一至兩支燈係壞壞地,閃下閃下咁,但除左氣氛恐怖外,就次次都冇咩特別經歷,所以到大個左,就忍唔住要出去探下險去親身及近距離咁認識多少少依方面既野,哈哈

第一次去探險既經歷都幾驚險下,記得當年係01年既農曆7月,第一次係網上參加左佢地攪既探險,地點係灣仔船街,我join既團體主張專重求真但不迷信,所以佢地每次去新地點,都會由經驗多少少既人去日探了解當地既環境及風險評估,但因我係新人,所以只會join夜探,我記得當時去到灣仔已經係夜晚8-9點,如果冇記錯,係合和入面既大家樂食過飯後就去船街了,老實果度我真係好陌生,眼見佢地行過古廟前合十一拜,我亦跟佢地照做不宣,之後係船街既公園聽佢地講清楚指示及萬一危險如何逃走及集合等等,雖然自問絕對唔係一個細膽驚青既人,但氣氛實在絕不輕鬆,之後我地一行6人(點解記得咁清楚?哈哈,之後會有交代)開始進入我地既探險地"聖璐琦",老實,在我感覺中,依間聖璐琦既猛鬼程度絕對比起佢旁邊既紅屋(南固台)強勁得多,南固台同聖璐琦既分別係前者係私人而有修養既鬼居而後者絕對係三山五嶽不受約束既九龍城寨,所以當中既經歷自然係以聖璐琦為甚

01年既船街始終未係名勝之地,依度只係一d個別人仕探險地而已,所以我地基本上冇咩阻礙就可以順利由樓梯既一旁由聖璐琦既地牢進入,我地成班人一路行一路講唔好意思打攪晒,入到去係一條窄窄既走廊,因係地牢既關係,當然係伸手不見五指啦,我羅住一支不太專業既電筒,跟住佢地經過走廊,睇睇兩旁既房,穿過佢地話極為猛鬼既男廁,就去到地牢既中心,我記得果度除左溶溶爛爛黑蚊蚊之外,周圍既氣氛亦異常恐怖,我覺得果度係lab之類既東西,因為四面都係房,格局係好多房門同埋一大塊一大塊既玻璃窗,當然依d門窗已經係爛晒,我地可以係所企之地,由電筒或影相既閃光燈,360度咁望到所有房間入面有爛木台,爛櫃,一個個大大既化學玻璃樽等等,加上人少而地大既關係,氣氛凝重氣溫亦下降不少,依個唔知關唔關地牢既關係,anyway,經過一連串既探視之後,我地亦開始向地面出發

下續

<23/11/08:日>

21 November 2008

灣仔船街

可能因合和二期的關係,903岩岩講到紅屋(南固台)同埋聖路琦,不期然勾起好多年前依兩度地方我曾經去過好多次,聽住收音機形容番紅屋同埋附近既情況,印象依然好深,睇番當年影既相,好懷念,襯住仲未忘記,我諗都係時候講番之前探險既經驗,好,一於聽日開始講住d先

p.s.張相係果時同盟既同志影既,借黎用用先 =P
<20/11/08:夜>

20 November 2008

Stealth(舊片重post)

~~Stealth(智能殺機) - [2005]~~

一套很快忘記的hollywood movie,整套電影極為美國化,故事打羅打鼓的形容片中的戰機擁有超高科技,但抵不了一下雷擊就失控,順利成章地由美國大英雄殺機救地球,看後有種想死的感覺

<12/11/05>

19 November 2008

稀人(舊片重post)

~~まれびと(Marebito-稀人) - [2004]~~

奇奇怪怪的一套日本片,可能因古怪的關係,某些鏡頭不太正常,曾試過因古怪而突然的切入被它嚇一嚇,電影中氣氛尚可,主觀鏡頭的拍法亦算緊張,一開始以為此片是單純的鬼片,但後來發覺似是外星人片,再後來又變了吸血鬼片,最後最後卻有鬼魂出現,哈哈,很古怪的一套日本電影

<12/11/05>

17 November 2008

Cast Away(舊片重post)

~~Cast Away(劫後重生) - [2000]~~

其實故事及整體性並無想像中好,但某些場面是有某一意義,例如opening出現的十字路口,可以算是言之有物,不同的取向及選擇,對後來的命運及際遇影響很大,看似相當有深度的故事,但隨後廣告亦非常之多,Fedex出現的次數多得有點令人煩厭,所以hollywood movie始終他有一定的格式遵從,說回故事的某一論點,其實無論人或物,只要投入感情.其實並無分別,只在於你對它如何在乎,故事中tom hanks對排球所投入的感情,相信會比在他流落荒島前的任何一個人或物為重,此為領會及珍惜

<12/11/05>

16 November 2008

Sogyumo Acacia Band - Sogyumo Acacia Band

保留來作壓軸介紹的Sogyumo Acacia Band,同名大碟Sogyumo Acacia Band當然有她的突出之處,第一首hello已很有感覺,細細碎碎由遠至近的配樂,加上女主音的歌聲,飄逸而吸引,隨後的歌個人亦喜歡,某些作品有點點My Little Airport的感覺,只是音樂比MLA更豐富,此隊Sogyumo Acacia Band很容易就有一種鹤立雞群的感覺,雖然是後知後覺(此乃04年作品),但這隊組合這隻專輯真的相當好聽,韓國的Indie真的令人刮目相看

Try This Song : Monkey
<16/11/08:日>

Linus' Blanket - Labor In Vain

05年推出的細碟Labor In Vain, Linus' Blanket在近日所聽云云韓曲中最有indie感,簡單的樂器,簡單的節奏,加上raw而簡單的唱法,好是好但感覺不出突出之處,或者歌曲中沒有令人可抓著的落腳點,一陣風的吹來一陣風的吹走

Try This Song : Labor In Vain
Official Website : http://linus.cue.to/
<16/11/08:日>

Lucite Tokki - Twinkle Twinkle

感覺乾乾淨淨的韓國女子兩人組合Lucite Tokki,上年年底推出的Twinkle Twinkle曲風相當近似日本,感覺舒服輕鬆但隱含點點傷感,可能我愛indie就因為這樣,沒有一切的理所當然

Try This Song : In My Tin Case
<16/11/08:日>

Bubble Sisters - Be Strong

形容為實力派的韓國組合Bubble Sisters,新推出的細碟Be Strong頗有美國風(以track1&3為甚),節奏輕快而易聽,但最主要吸引我的是這碟的封面,沒其他了,哈

Try This Song : 사랑은 이제 그만 (可惜網上只有這首是曲風最不美國的)
<16/11/08:日>

15 November 2008

America Beauty(舊片重post)

~~America Beauty(美麗有罪) - [1999]~~

放了很久才有機會看的電影,果然明不虛傳,除故事手法外,鏡頭亦頗有趣,電影中引起風波的女子其實不太美麗,她只是引領主角的起點而已,Kevin Spacey在本片中當然相當稱職,Anyway,比想像中淺白的電影,追求慾望而已

<09/11/05>

14 November 2008

Legally Blonde(舊片重post)

~~Legally Blonde(律政可人兒) - [2001]~~

一般comedy片,尚算稱職,故事流暢而不太誇張,女角角色特出而與別不同,故事亦去得頗順暢,不知續集如何,有待觀察

<08/11/05>

12 November 2008

爆粗band友

~~デトロイト・メタル・シティ(Detroit Metal City-爆粗band友) - [2008]~~

很久沒進戲院看過戲了,入場看這片沒什麼原因,只是剛巧當天天氣不錯,之前又聽說有局會當晚去看此電影,所以想了想就進場看看這部片了,雖然是誇張了點,但這電影來自漫畫,誇張是正常不過的事情,加上內裡的角色討好,隱含的意思亦頗有道理,還可以,另松雪泰子角色實在誇張得意想不到,做得不錯,最後,電影中的歌我覺得已經調較到適合一般人收聽,因在我印象中,heavy metal真是嘈雜得令人頭暈轉向,而death metal亦一直不是我杯茶,但這片內的歌音律不錯,個人還可接受,只是opening實在和300 credit太相似了,是致敬嗎? =_=

p.s.片中男角的歌令我想起柚子

<11/11/08:夜>

11 November 2008

Mr.Deeds(舊片重post)

~~Mr.Deeds(愛你有錢途) - [2002]~~

很差很差的Adam Sandler作品,可以用不堪入目來形容,故事誇張而無聊,每個角色也失去靈魂一樣,完全沒丁點兒的可觀性,只是管家一角頗為有趣,另見到久違的Winona,她的樣子在這片內還可以,真的很久沒看過她的片了,只是在這爛片中再見她有點可惜,希望下次見她時會有好一點的角色好一點的電影

<07/11/05>

10 November 2008

Mean Creek(舊片重post)

~~Mean Creek(下流,少年) - [2004]~~

Mean Creek並沒有想像中的戲劇性,但簡單而平實的描述幾個本性不壞的少年,由本來心懷不鬼轉節到遇見光明的變數再返回不可收拾的局面,最後只有無奈,但總括而言,這套電影中的主角的處事方式及故事走向明顯比幾年前同類型片有所進化,究竟是社會的改變還是這是這套片較為突出的地方呢?

<30/10/05>

09 November 2008

The Shining(舊片重post)

~~The Shining(閃靈) - [1980]~~

經典電影深夜時份重溫亦相當的震撼,但dvd開頭的字不知是否後加,感覺上格格不入怪怪的,電影中除主角太太令人印象深刻外,相信就是孿女同時出場的情景,令人一見難忘,而Jack Nicholson亦是100%完全take care到這個角色,別無他選,除電影人物外,片中多個場景及擺位亦是經過精心計算,長鏡加長走廊,由車仔control近至遠,對稱的走廊,房門,大廳和地上的圖案,深而長,低角度,令人不期然產生深層的恐懼感及壓迫感,因此,在云云的恐怖片當中,此電影在我心中的定位亦相當之高,已列為不可不看的推介電影之一

<29/10/05>

08 November 2008

Lhasa De Sela - De cara a la pared

Beautiful song with sadness & loneliness vid by Lhasa De Sela

[Lhasa De Sela - De cara a la pared]

<07/11/08:夜>

07 November 2008

Batman Begins(舊片重post)

~~Batman Begins(蝙蝠俠:俠影之謎) - [2005]~~

不過不失,作為前傳已經夠扎實了,還估不到原來有這麼多出名的名星壓陣,Gary Oldman,Michael Caine,Liam Neeson & Morgan Freeman等等,實在星光熠熠,看畢前傳後,方才明白如不是富甲一方,實在做不到如此裝備齊全上天下海的蝙蝠俠,另電影中仍可保留出蝙蝠俠電影中的黑暗感覺,已算相當不錯了

<29/10/05>

06 November 2008

七劍(舊片重post)

~~七劍(Seven Swords) - [2005]~~

可以一看,相對較早前的作品,徐克這回可以說是回復了應有的水平,電影起初畫面一流,單憑某些風景完全猜測不到拍攝地點,亦估不到當中添加了多少後期製作在內,說回故事,中段角色及故事明顯鬆散,反派造型亦較為日本化,有點怪怪的感覺,幸運地最後的場面十分精彩,印象中很久沒欣賞過這類設計及打鬥場面,著實令這套電影加分不少

<24/10/05>

05 November 2008

Jay-Jay Johanson - Self-portrait

來自瑞典的Jay-Jay Johanson,聽講名氣不少,但我並不認識他,聽這碟"Self-portrait"的原因很簡單,純男聲加Trip-Hop,印象中Trip-Hop加女聲很平常,但純男聲真的比較少見(又可能因我見識少的關係,哈哈)anyway,全碟感覺及聲音也不錯,說真的聽Trip-Hop很講感覺和意景,這碟已可做到了,只是某一兩首歌令我有點點pop之感,但全碟離漫著的頹廢而傷感又加分不少,這也可收貨了

Try this Song : Wonder Wonders

<04/11/08:夜>

04 November 2008

Beyoncé - If I Were A Boy

Good song & meaningful vid by Beyoncé

[Beyoncé - If I Were A Boy]

<03/11/08:夜>

03 November 2008

The Edge of Heaven

~~Auf der anderen Seite(The Edge of Heaven-天堂邊緣) - [2007]~~

一套頗為精彩的電影,故事結構看似覆習但其實只是發生在一對父子與兩對母女之間的故事,他們分別處於德國及土耳其但故事往往營造出那份格格不入的無奈感覺份外明顯,為生活而平水相逢,為外地遇故知而共同生活,為共同生活而各有衝突或相知相遇,故事經由兩段死亡而帶出The Edge of Heaven的故事,當中平淡而充滿巧合,看似巧合但不離當中細緒的牽連關係,正如當中一句話描述故事中兒子到土耳其的狀況為"德國的土耳其裔德語教授,居然最後會在土耳其經營德語書店",看似有趣的巧合但其實不離當中的關係,死亡是一個契機考驗是另一個救贖,相當不錯而帶有意思的電影

<02/11/08:夜>
Photo Link

02 November 2008

The Amityville Horror(舊片重post)

~~The Amityville Horror(靈時3點3) - [2005]~~

真人真事改篇,某些現象描寫得挺真實,開場氣氛燈光不錯,還可以的一套美國驚慄片

<24/10/05>

01 November 2008

Downfall(舊片重post)

~~Der Untergang(Downfall-希特拉的最後12夜) - [2004]~~

So far so good不太悶但又不太特別,但以希特拉失敗的過程作為電影題材的確比較少見,電影中的場景及故事的真假性難以考究,但實在不太明白故事中為何三番四次講述一群人結伴吸煙的場景意義何在,even Hitler死後鏡頭亦很快回到吸煙場景,實在不明所以

<24/10/05>