24 July 2007

Me and You And Everyone we know

~~Me and You And Everyone we know(你.我.他她他) - [2005]~~

相當有趣想像豐富的小品電影,故事每一幕都意想不到,幽默非常,由第一幕的電視雪花到男角估佢唔到的行為以至金魚的一生,everything are unexpected, Me and you and everyone we know 有相當情度的art & indie觸覺及感覺,幽默,思想及論點前衛,但又以大眾化手法去解說,令人相當容易消化,番查記錄,原來女角正正係導演及編劇,本身亦係攪藝術創作,依套片亦令佢得相當多獎,電影中心簡單,時代改變,人類溝通模式,分辨是非能力亦變得古靈精怪,ending一幕真係有畫龍點精之感,睇得相當盡興,諗真d,佢所講所做並非冇可能,只係行前少少誇大些少而已哈哈
<15/07/07:夜>

22 July 2007

300

~~300(戰狼300) - [2006]~~

真係諗極都唔明點解依套戲唔出DTS,自問對西方歷史真係所知甚少,但對於依個希臘300對幾萬人既抗戰傳奇真係好有興趣,加上有Lena Headey真係唔睇唔得,佢張poster正到呢 @@,影片開頭打野狼果part,d色好似SinCity.另成套片我相信大部份係藍幕,好多cg效果,但故事本身已很傳奇及吸引,睇完後感覺尚可,整套戲比我既印象係好多大隻佬周圍賣肌肉,洗唔洗咁多慢鏡頭同埋Lena Headey好正 哈哈哈

<10/07/07:夜>

21 July 2007

降頭

~~降頭(Gong Tau) - [2007]~~

餓了很久滿以為會相當精彩的邱禮濤作品,可惜有點兒失望,抹除伊波拉八仙飯店,單睇依套片既cover,海報加上邱禮濤依個名,已相當有號召力,可惜拍得有點兒保守,除開頭帶點膠質血腥感既bb同埋劏屍場面外,整套片十足十80年代既南洋降頭片,當然色情裸露場面同樣少不免,但其他完全做唔到果份驚恐心寒既感覺,唔知係人大左定唔套片做唔番果種raw感,一路一路好似見鬼之流,唔係話佢唔好,佢已做到應有的凝聚力及氣氛,都好耐冇睇過同級既恐怖片,但並唔係我想要的,我都係覺佢太商業....p.s. ending既血腥場面先似番d邱禮濤作品,可惜太少了

<09/07/07:夜>
Photo Link

17 July 2007

停電

近日天氣炎熱,可能好多人開冷氣,發覺大廈電力不足,好多時9點零10點就會停電,雖然只會停1個鐘左右,但平均一個禮拜會停電一次,好鬼煩,我地由最初停電走晒出門口係咁打電話到管理處到依家已成習慣,我地固之然咩娛樂都冇晒及熱到嘔外,其實影響都不太大,最慘係地鋪商戶,生意都冇得做,停電原因聽講除左開多左冷氣外,多左人用電爐煮食都係一個原因,雖然電爐係慳電非常,但開果下好扯電,地鋪又開到燈火通明,攪到大家攬住一齊冇電,唉~咁攪法,困lift既機會好大,有兩次爭d中我,好彩行慢一步,希望唔好呀唔該,黑唔緊要但依排天氣咁熱我唔想焗死係lift呀 >_<

另外,因大廈冇電,好多時都要用電桶摸黑落樓梯,細個時住唐樓既感覺又番埋黎,雖然果時住過唔係好耐,但羅住電桶落樓梯又幾過癮既,哈哈

<16/07/07:夜>

16 July 2007

電影統計

心血來潮,做一做自己的電影統計,之前讀書時期,金獅時期的暫且不計,就由寫blog日開始計起,因為有keep起自己睇戲後既感想,就可以輕鬆的作一個簡單計算,第一套係05年5月29號既the best of youth.直至今日為止07年7月15日,計一計總共睇左317套戲,除番777日,平均每2.45日睇一套戲,原本以為2日睇1套,計落原來比想像中少,哈哈,唔知下年依個時間,個percentage會多左定少左呢? =P
<15/07/07:夜>

15 July 2007

花與愛麗詩

~~花與愛麗詩(hana & alice) - [2004]~~
岩井俊二依套片真不錯,以輕鬆及非常舒服既手法去描寫兩個少女的友情,處理事件既想法,方法及面對puppy love時當中的衝突,一切一切都有著很年輕的感覺,岩井選角一流,對於人物既描寫非常洒家,經佢所拍出黎既人物立體而自然,慢慢滲透出吸引力,加上部份以手持及菲林感的鏡頭,很舒服,主角們在我依個成年人看來全部怪怪的,但劇情討好而感覺良好,正如高中後花表面上精明古惑主導一切,愛麗詩傻傻呆呆,但其實後者先係照顧人者,前者反而最弱,又例如花買藥時行過發覺愛麗詩係雨中跳跳下非常無聊,但其實佢好中意個感覺,令到後來的芭蕾舞跳得非常好,整套片看似支離破碎散修修,但其實故事既完整性及連貫性非常好,我最欣賞當中既感覺,清爽而舒服

<08/07/07:夜>

14 July 2007

衙前圍村


很遲很遲先入村影相,好多村民已搬走了,圍板亦很多,很多屋已被封住了,但總算到過接觸過現存唯一一條城市中的圍村 - 衙前圍村

<20/01/07:日>
Photo Link <<<<<<<<<<<

13 July 2007

回家吧 媽媽

~~回家吧 媽媽(The Tender Feeling) - [2005]~~
依套比起導演前作我想有個家來得技巧純熟及真摰,上套我覺得比較催淚同理想化而依套自然多了,同樣地sell踏實生活而甘於貧窮,我比較欣賞依套,特別係片中小主角個樣有少少似日本仔,好多時睇睇下以為係睇緊日本片,另故事中提及主角雖然貧窮但周邊環境不錯,發覺內地好多大城市人生活非常好,值得一讚片中主角們的投入演技,整體上來黎依套戲尚可一看,雖然有部份支節位有點老土,但可接受的

<07/07/07:日>

12 July 2007

美利茶廳

琴日係灣仔食晏,因天氣太熱又唔係好知地方食野,所以求其搵左間茶餐廳食,地點係灣電附近既柯布連道,間野叫美利茶廳門面係普通不過的茶餐廳,未踏入門已有人招呼我地入去,岩岩入左門口,個伙記兩三下手勢已搵到位比我地,雖然地方真係好窄,但都算坐到,就係我地坐低果一刻,湯茶刀叉已經送到@@,我心諗佢又知我地食茶餐,如果我地齋飲野都送埋湯?哈哈

望望牆上既餐牌,有兩個午餐,同事嗌左個碎牛飯,而我嗌左個白汁豬扒意,同事習慣地放d刀叉落杯茶度洗,因為我為人好懶,所以羅起自己果杯飲左啖茶望住佢洗,就係我岩岩飲完啖茶,隻杯未放低,記住係隻杯未放低,我地嗌果兩碟野已送到,我同同事一齊嘩左一聲,洗唔洗咁快呀?我同佢講依間野仲快過麥當奴,好利害

由依刻開始我就好留意間野個運作,見到唔止我地,真係個個一入去未坐定已有得食,同事好奇心亦同我差不多,佢計到由個客坐低嗌飯果一刻計起30秒就有得食@@,我亦留意到外賣亦快到離奇,岩岩門口嗌完,唔洗一陣已包好羅出門口,勁!!!

一路食一路同個同事研究,究竟佢地點解咁快,發覺除左d餐係好易整之外,原來有專人係度筆湯,筆飯,但唔好以為佢忙到停唔到手,我發覺佢仲有些小idle time,可想而知佢幾快手.另外見到d伙計羅野招呼人客亦好有步驟,每一次羅野比客,一定唔會單手去單手番,佢地一定會等齊足夠數量既野,先雙手羅過去比客(近果d當然例外),而每當門口外有人,佢地就會招呼左人客入內先羅野比其他客,即係坐低左果d唔怕佢走or等多陣而招呼左門口果d客仔入內,亦發覺到木台櫈既排法亦經過計算,一條長冷行比客行入去同埋伙記羅野走位,而人客坐既兩行木台凹凸咁排,咁就慳埋條走廊位,同個同事講,如果佢日日既午餐都唔同而又做到同一速度既話,依間野就真係勁,佢無論係流程,策略同效率都好強勁,員工生產力好高,仲係自動自覺,飽經訓練,連抄飯肉片河都唔會相差太遠,幾分鐘已送到,野食仲要ok,係杯野飲一般,依間小小既茶餐廳真係令我大開眼界

<10/07/07:日>

11 July 2007

哈利波特

基本上甚少搭地鐵既我因為依兩日要過灣仔上堂,迫於無奈地選擇左最快同最穩陣既方法過海,搭車途中見到一個職業女性羅住本書睇,佢係個紙袋度羅出黎時已覺怪怪的,好似好辛苦先羅到本書出黎咁,再睇清楚d,嘩!!!頂!!!本野厚到成本牛津大字典咁,應該可以掟得死人,真係唔知點羅住黎睇,完全唔balance,even佢本書d紙質好輕,但非常唔就手,攪什麼??上網search過,最多既美版有870頁,真係痴鬼線的,記得我都睇過下第一本,印象中standard size,點解依家要寫到咁厚?出多本唔得咩?怪不知前排有人告羅林唔環保了,哈哈

港讀者控羅林荼毒兒童 索償千億
【明報專訊】哈利波特 系列最後一集《哈利波特與致命聖靈》將於兩星期後推出,全球「哈迷」正在屏息以待之際,本港一名讀者反指《哈利波特》乃「垃圾兒童文學」,鼓吹無知迷信及陰暗恐懼,批評作者羅林(J.K. Rowling)欠缺心思創意,抄襲武俠小說橋段,聲稱「傻仔都識寫」,他日前入稟高院,越洋控告身處英國 的羅林荼毒兒童,要求她賠償千億元,以彌補她荼毒兒童的過失。原訴人20頁狀書入稟原訴人洪仁(譯音)親自入稟,他寫了洋洋萬字、合共20頁的狀書,更開宗明義表明「這是一項伸張道義、對時下『垃圾兒童文藝』的控訴」。洪在入稟狀中首先指控羅林「以庸碌抄襲手法」撰寫《哈利波特》,內容沉悶橋段陳舊,不但「繼承了『悶王』衣缽」,更將過時愚昧的巫術「發揚光大」,導致青少年沉迷邪門玩意。洪又認為《哈利波特》屢獲「最佳童書」大獎,實屬「墮落而窩囊」。他又批評人物塑造是一大敗筆,與《三國演義》相比實在是差天共地。此外,洪亦不滿書本「厚如磚頭」,加上內容空洞無物,冗長而無當,令人看得頭昏腦漲,兼且浪費紙張。洪認為,羅林應作千億元賠償,彌補她荼毒兒童思想的過失。不過,《哈利波特》以往確曾引起宗教界人士擔憂,教宗本篤十六世在未當教宗前,曾批評《哈利波特》嚴重扭曲宗教。《哈利波特》面世已經10年,是全球最暢銷書籍,最後的第七集將於兩星期後推出。羅林憑《哈利波特》系列躋身億萬富豪榜,身家逾78億元,為英國第13位最富有女性。
<10/07/07:日>

10 July 2007

Notes on a Scandal

~~Notes on a Scandal(醜聞日記) - [2006]~~

一部非常精彩的電影,我唔太清楚故事係根據英國轟動一時既師生戀定係純粹借題發揮,但兩位女角精湛演技及入型入格的角色外型配合加上故事的流暢性及迫力,總結得來十分好看,當中講及人性的弱點,衝突和矛盾,主角自顧自的喋喋不休,以及兩位主角們的控制及反抗,逃避及應付,加上又牽涉到周邊的人及事,誰主誰客相互緊扣,真的可以由頭帶到尾的咁精彩,十分不錯的電影

<03/07/07:夜>
Photo Link

09 July 2007

鴨仔大軍

上個月睇報紙,見到原來有隊鴨仔大軍,為數過萬隻係海上漂流左15年,原因係一次意外,載佢地既貨櫃跌左落海,咁佢地就因為依件事開始踏上征途了,佢地經過左印尼,澳洲,南美洲,夏威夷,有d仲去過冰島,美國同加拿大,黎緊好快會去到英國,睇報導依批海上漂流大軍,除左鴨仔外,仲有烏龜同埋青蛙,哈哈
但唔好以為佢地係海度漂流好似垃圾無咩用,有個海洋科學家就跟足地15年,話佢地對海洋既水流研究價值非常大,真係十分有趣而別具意義

中新网伦敦6月28日电 15年前一艘来自中国的货船上装载的2.9万只塑胶玩具在太平洋上因为事故原因落入海水中。一直追踪这些玩具的一名科学家预测,经过这么多年的海上漂流历程,近万只塑胶玩具组成的“舰队”将于今年夏天抵达英国西海岸。
  据英国《每日邮报》报道,这些塑胶玩具原本是为了那些在浴缸中洗澡的小孩子们预备的,但它们已经在海上漂流跨越了半个地球。在最初3年中,其中一批1.9万只鸭子完成了1万多公里的太平洋副热带环流,沿途经过印度尼西亚、澳大利亚、南美洲和夏威夷等地洋面,平均每天漂流11公里。
  另一批大约1万只鸭子被甩出了洋流,向北漂去。时至今日,它们中一部份甚至可能已经漂流长达17000英里(约2.7万公里)。
  据悉,在这29000只塑胶玩具中,有黄色的小鸭子、蓝色的小乌龟和绿色的青蛙等,其中黄色的小鸭子居多。
  尽管这些玩具已经不能给浴缸中的孩子们带来乐趣,但是它们在海上的漂流却为科学家观测洋流提供了绝好的帮助。因为这些小玩具和科学家通常使用的漂流实验品相比,人们发现玩具之后会更愿意向地方政府报告。同时,因为这些塑胶玩具都是由塑胶制成,不易损坏而且防水,它们也可以承受多年的海上漂流。
  据悉,这些玩具是美国TheFirstYears公司1992年在中国订做的。但是在运往美国的途中,货船在太平洋东部遭遇暴风雨,装满玩具的集装箱落入海中开裂,这些玩具就开始随波逐流。
  15年来,海洋学家克提斯-艾贝斯梅耶(CurtisEbbesmeyer)从未间断对这些玩具的追踪。据他预测,这样浩浩荡荡的“鸭子舰队”将赶上大西洋湾流,可能于今年夏天抵达英国的西海岸。他表示,第一波玩具很可能将在康沃尔和西南部海岸登陆。
  据艾贝斯梅耶表示,海边的人很容易分辨这些玩具,因为玩具大部分都已经被冲刷成白色,而且应该有美国公司“TheFirstYears”的印记。因为这些玩具对于科学家研究洋流的价值非常大,美国已经有公司出高价,愿以每只50英镑收购这些塑胶玩具。
  “鸭子舰队”漂流历程示意:
  1992年1月10日--货船在太平洋东部海域遭遇暴风雨,装满2.9万只玩具的集装箱坠入海中开裂。
  1992年11月16--约1万只玩具赶上洋极环流(subpolargyre),被冻在寒冷的浮冰里,开始慢慢流向美国阿拉斯加海岸。
  1995年早些时候--1.9万只玩具完成了1万多公里的太平洋副热带环流抵达印度尼西亚、澳大利亚、南美洲和夏威夷等地海域。科学家分析,这些玩具的漂流速度比洋流中水流速度快了近50%。
  1995年至2000年年间--部分玩具脱离洋极环流,开始向北漂流,而其他的部分继续飘向极地。
  2000年--部分玩具进入北大西洋海域,开始向南漂流。之后,少部分抵达美国东北部海岸。
  2001年--在泰坦尼克号沉船地点发现玩具的踪影。
2003年7月至12月--玩具开始抵达美国新英格兰各州。加拿大和冰岛等海岸。
最初从中国进口这批玩具的美国公司“TheFirstYears”表示,愿意以每只100美元的高价将鸭子收回。同时,英国开始预测,“鸭子舰队”将于07年某时“入侵”英国海岸。

08 July 2007

3條7的飲宴

好耐冇去飲了,對上一次都已唔記得幾時,發覺近年去飲其實好方便,一來唔用著得太隆重,二來唔用賣禮券,三來信封大會都供應埋買都唔洗買,只需要記得係邊度飲,行入去,羅個信封,行埋一邊羅個銀包出黎,再羅適量既金錢,放錢入去,封好,再羅支筆出黎,寫幾隻字,攪掂,真方便

飲宴既檯好近門口,我又再一次遲到,哈哈,因為我次次都係唔到開席都唔入場,一來我唔打麻雀,二來咁早去好似好無聊咁,雖然差唔多成圍我都識仲好熟下,但慣性去飲都係遲到,無計. 一入到去坐低打個招呼,吹左兩句水,見miss同切係度打機,我真係冇乜興趣,睇下ron佢地玩啤牌,冇幾耐已見奶粉比人抄,佢又比人笑左一輪,可惜我錯過左三公唔包queen既攪笑場面,奶粉即係奶粉,怪不知諾話佢仲未戒奶

等左一陣(其實都唔一陣),開始有得食,開頭叫左杯可樂,之後見有紅酒,又嗌多隻杯試下味,再之後又黎支黑牌,依次我冇再試,但其他人唔係嗌多杯紅酒就嗌多杯汽水,切就最勁,三種都飲晒,卒之攪到十個人有18隻杯係檯,真誇張

飲宴當中一定有不少攪笑場面,大部份出現係吹水途中,無幾耐發覺過幾檯好嘈,原來伯母好飲得,真唔明點解個仔聞下都暈,哈哈

之後ron嗌上灣仔飲野,途中發生左隧道口問前面有冇廁所及尿急昏迷事件,果真神乎奇技

上到去bar,我好失敗又忘記了添個名,老實我認人認路認名真係好弱雞,嗚

好多時去酒吧飲野,十次有八次我都好黑仔,如果輸左而次次認真飲的話,我應該一早死左了,但岩岩發覺原來仲有添同我平分春色,成副牌四條煙都可一個人抽晒,果然強中自有強中手

吹吹下水又天光了,晨光天色不錯,感覺良好

<07/07/07:夜>

07 July 2007

一個都不能少

~~Not One Less(一個都不能少) - [1999]~~

又係另一套想睇好耐的電影,張導的戲越來越商業化,此片尚可保持一貫的泥土味,雖然尾段我不太喜歡,太戲劇化了,總覺少了一份真實感,但前段的校園生活及所面對的問題拍得很好,對小老師和學生們所居住的小房間有一點點的親切感,曾經於兒時住過親戚的屋兩至三天,破落簡陋的房間及床舖,昏黃的燈光,感覺很像,講回當中的故事,小老師的堅持及努力起自對老教師的一句諾言及一頁學生的日記,當今的社會,究竟赤子之心及承諾尚剩餘多少珍惜及堅持相信係依套片既中心,希望人們不要越走越遠
<30/06/07:夜>
Photo Link

03 July 2007

世界遺產

新一輪世界遺產公報了,印象最深既係上圖既伊拉克薩邁拉考古城,外型獨特,一見難忘,仲有墨西哥自治大學,原來風景同建築物外,校社既代表性及當中所標誌既現代性都可以列入世界遺產入面,睇過d報導,原來世界遺產當中包含左文化遺產,自然遺產以及自然和文化雙重遺產幾種,得閑真係要慢慢研究下.

另一方面阿拉伯大羚羊保護區被除名,原因係當地政府大幅減少保護區既範圍,嚴重違背左世界遺產委員會既宗旨,成為左第一個被除名既地方,依方面中國真係要好好重視,因為已經有六個地方接到除名警告,唔好再係故宮攪Starbucks係布達拉宮播莫札特喇大佬!! 香港都學下野啦,唔好再掂d有香港特色既地方喇,拆左特色雀仔街,拆左舊天星起個復古假天星,遲下仲會拆埋波鞋街添,真係好野.

中國六世遺接除名警告

【 本 報 訊 】 包 括 北 京 故 宮 、 西 藏 布 達 拉 宮 及 雲 南 麗 江 古 城 等 中 國 境 內 六 處 世 界 遺 產 , 因 管 理 不 善 , 面 對 即 將 吊 銷 世 界 遺 產 之 名 的 危 機 。 其 中 雲 南 省 「 三 江 並 流 」 因 政 府 在 上 游 興 建 水 壩 , 嚴 重 破 壞 當 地 自 然 環 境 , 被 世 界 遺 產 大 會 責 令 整 改 , 如 明 年 未 有 明 顯 改 善 , 將 被 剔 出 《 世 界 遺 產 名 錄 》 。
雲 南 省 境 內 怒 江 、 瀾 滄 江 、 金 沙 江 三 江 並 流 而 行 , 以 其 生 物 多 樣 性 、 豐 富 的 人 文 資 源 及 美 麗 神 奇 的 自 然 環 境 , 構 成 獨 特 的 世 界 奇 觀 。 由 於 近 年 當 局 在 怒 江 興 建 大 壩 及 水 力 發 電 站 等 設 施 , 世 界 遺 產 委 員 會 二 十 一 國 代 表 日 前 決 定 , 中 國 政 府 須 明 年 提 供 一 份 完 整 的 評 估 報 告 , 如 果 「 三 江 並 流 」 附 近 環 境 未 有 明 顯 改 善 , 可 能 會 被 列 入 《 瀕 危 名 錄 》 , 並 吊 銷 「 世 界 遺 產 」 稱 號 。
國 家 文 物 局 副 局 長 童 明 康 稱 , 除 「 三 江 並 流 」 外 , 北 京 故 宮 、 天 壇 、 頤 和 園 、 雲 南 麗 江 古 城 以 及 西 藏 布 達 拉 宮 亦 遭 警 告 , 或 失 去 世 界 遺 產 稱 號 。 其 中 故 宮 及 頤 和 園 大 修 , 招 致 「 過 分 追 求 商 業 利 益 」 的 非 議

02 July 2007

SnapShot on 01Jul07

坐落於高樓下的破落指示燈,感覺很黑白

馬路中呆滯的發泡膠盒,很危險喔!!!
另一邊箱,坐在欄杆上的指示燈,默默看著車來車往下的發泡膠盒


對面馬路的貓,於閂鋪前一刻走到鄰鋪享受一刻的寧靜

垂頭喪氣的指示牌

倒於一旁的路燈,默默發出暗淡的光芒

睡於石屎地上的羽毛,感覺亦很黑白

後話 : SnapShot可以係黑白亦可以係彩色,但無論效果如何,只可以係第一張相第一個感覺,後來的如何捕捉如何工整再發現不了當中的感覺

<01/07/07:夜> Photo Link

01 July 2007

無聲火

~~Bangkok Dangerous(無聲火) - [1999]~~
彭氏兄弟很久前的作品,想睇好耐,一開始出字幕亦剎是有型,血流階磚亦令我諗起慾海慈航同埋一套韓國鬼片,不過個名忘記了,彭氐兄弟拍兄弟情當然難唔到佢地啦,整套片故事寫得有心機,結構亦非常不錯,流暢而顧及觀眾,當中亦好多時拍到鬼片咁既氣氛,我估當時一定要拍套咁既片佢地先可以夠錢/膽拍拿手既鬼片,佢地係依套戲入面露左兩手啦~哈哈,低成本,粗糙既拍攝手法隨處可見,片中亦放左好多實驗電影既手法及音效,雖然相當有把握但放得太多有少少怪怪地,好在故事,結構以及當中主角的想法及成長拍得非常流暢,怪不知彭氐可以憑依套片一嗚驚人打響名堂

<30/06/07:夜>