30 April 2007

揹帶

上個禮拜行過屋企附近,遠遠睇到一個久違的物件及動作,揹帶及單人匹馬揹仔上背cool~依兩個組合,大大話話十幾年未見過,單單揹帶依樣東西,對上一次見到o係係博物館,實在誇張,哈哈.果時既設計為左方便媽媽一路做野一路揍仔,仔仔放係後面,但之後揹帶改為前背式,揹住佢真係咩都唔洗做,有時我會咁諗,產後抑鬱症究竟係一直都有定係依家d人太幸福太有時間而諗多左呢?時間一路行物一路變,究竟有幾多兒時東西隨著時間改變而不同,思考模式又有幾多隨著咁而變更呢?我指既係出發點及價值觀,十年一個generation gap,事實事實

28 April 2007

事忙

發覺近來寫blog好多時只有電影(*注1),無可否認,睇戲在我黎講佔著一個重要位置,但近來真的太忙了,無論係自己又或者朋友,camp去少了,成班人既gathering亦少了,可能因為一d朋友間的內部問題,好難係短期內去番之前一呼百應既景況,我相信at least依幾個月都唔會住,睇番一d自己影既相(*注2),發覺好多都未整理過,哈哈.希望有時間可以攪攪佢,希望快d去camp,希望快d一班人出黎玩玩玩,希望再出去影下相..... 感覺好多時都要出去走走,多去感受,但近來明顯真的少了

(注1*) 寫blog從來不愛寫公司,同事又者工作上既野
(注2*) Post出黎依張相,係近期比較滿意的,感覺良好

26 April 2007

The Death Of Mr Lazarescu

~~The Death Of Mr Lazarescu,Moartea domnului Lazarescu(無醫可靠) - [2005]~~

相當長的一套羅馬尼亞電影,影片以手持及易步易趨的方式拍攝,由於故事講及一個老人家一晚的求醫過程,睇時很像記錄片,可能香港醫療比較先進及講求效率,有時對片中人的處事手法感覺到有點怪怪的,整體上黎講,對主角及救傷車護士舟居勞動有較深的印象,佢地經過3次轉醫院後,主角再也講不出自己的名字及再無力氣爭拗,很灰,其次是醫護人員的慢半拍及階級觀念,很無奈,但公平一點,片中各人沒有什麼壞心腸,只講求做好自己本份,但因資源所限及責任問題,對其他事情只有就手旁觀及有心無力,當中所帶出的問題及反諷來得相當的無奈及可悲.

<24/04/07:夜>
Photo Link

24 April 2007

Wild Zero

~~Wild Zero(搖滾狂人) - [2000]~~

嘩~~依套片真係大開眼界,電影以rock & roll為主體,主角立晒頭皮褸晒開口埋口rock n roll,配上古怪髮型緊身短褲的大叔,樣衰衰面色青白既瘦男加肥女,著住件陳年舊款泳衣周圍走既賣軍火女子,以及成鬼日疏頭以guiter wolf為首的rock band,加上喪屍,ufo,雙性人等等,去到尾段仲可以係咁放,真係痴晒線,我唔明點解可以去到咁盡,正常人好難頂得順o者,不過我岩睇,正~哈哈哈

<23/04/07:夜>
Photo Link

23 April 2007

Time

~~Time(慾望的謊容) - [2006]~~

金基德第十三部作品,有少少不對勁,點講好呢?故事一開始的血腥鏡頭,以及男女主角之間既角力很強,故事發展得很快,不安感亦很大,但慢慢睇落去,發覺故事雖然有點不正常及扭曲,但並非一貫的金氐感覺及處理手法,女角張牙舞爪,男角因寂寞而找人慰藉,很表面很一般的故事手法,欠缺了金氏一向的沉重超然感覺,太多說話太近人群了,整部戲大部份都以依種手法拍攝,尾段先稍為見到少少金氏的沉重感,個人而言,依部戲極其量只因女角精神錯亂而變得故事扭曲,導演相對黎講好似無甚作為,唉



<22/04/07:夜>
Photo Link

22 April 2007

The Science of sleep

~~The Science of sleep,Science des rêves, La(戀愛夢遊中) - [2006]~~

不一樣的movie不一樣愛情故事,真的很怪異,以夢為主線貫穿全片及主角,Gael Garcia又演繹了一個不同的角色,片中的他很細路很童真,做任何事都可以很簡單及直接,因真實中的局限而往往選擇寄情夢境,夢中佢可以延續真實中發生既事,亦可以完全扭轉故事既發展,將其他人推到螢光幕上隔離,很孩子氣的舉動,夢中以咭紙裁剪出的物件,以及現實中千奇百怪的小把戲,雖然簡陋及另類但用意用途很直接,冇什麼額外的花巧或包裝,正如故事一開頭所講既夢中的感情係最豐富的,冇什麼需要隱藏及考慮,當中主角曾嘗試過自己造夢,以眼皮開啟音樂的開關成功地將現實的環境投放入夢中造出有趣的變數,依個我十分相信,因為我試過,有機會再講講,哈哈


<21/04/07:夜>
Photo Link

Stranger than Fiction

~~Stranger than Fiction(離奇過小說) - [2006]~~

內容豐富相當好睇的一套movie,上網search過,故事靈感來自Mark Twain的一句話 "Fiction is obliged to stick to possibilities.Truth isn't ".某情度黎講又真係幾岩.講番套戲, Stranger than fiction主要講人生,當中包括人生既態度,意義,轉折及一切一切自己不為意的人及事,戲中的演員個個演技精湛,故事充斥了很多很多的可能性,大大增加了電影的可觀情度,無可否認看似平淡但充滿轉折位的故事發展,再加上旁白式的配合,不得不令我想起Desperate Housewives~哈!

<21/04/07:日>
Photo Link

21 April 2007

Amelie From Montmartre

~~Amelie From Montmartre(天使愛美麗) - [2001]~~

唔知點解Flëur既Remont會令我諗起依首歌依個mv.諗番起依套戲,好輕鬆好開心,仲好記得當年睇完依套戲係戲院走出黎果一刻既感覺,十分舒暢及開心,其實戲分好多種,有d可以令你開心成日,有d又可以sad到久久不能平伏,有d又好快忘記,睇戲講感覺好個人的,有d人成日問我覺得套戲好唔好睇?好睇在邊?唔好睇在邊等等?有時真係好難解釋得到.

16 April 2007

長洲海鮮

嗌左好耐去長洲食海鮮,因為識長洲人所以好平,點都要去整多餐,雖然我好晏先入去,去到佢地已經揀緊海鮮,又海蝦,又吊筒,又石斑,仲有賴尿蝦,羔蟹,鮑魚等等,埋單都係12x零蚊,果條石斑真係大到暈,佢地話要成7舊水我地3舊攪掂,最好食應係吊筒,非常鮮甜,唔洗點蝦羔已好好食,但可能真係好難消化,食完果餐之後已濟濟地,撞正阿媽今晚煲花生雞腳湯,唉~~攪到我個胃頂左成晚,仲嘔左3-4次,依家仲頂住頂住好唔舒服,今次真係食到嘔了, 唉!!!

<14/04/07:夜>

15 April 2007

Flëur - Remont

一隊我非常喜愛的烏克蘭組合 - Flëur
成立自二千年,短短7年間出左4隻碟
最新album尚未聽過,但之前3隻都好好聽
佢地既歌悲傷中有一股脫俗感
mv只可搵到2-3首
而依個我非常喜歡


12 April 2007

Babel

~~Babel(巴別塔) - [2006]~~

作為Alejandro既第三部片,始終欠缺了Amores Perros時期的緊湊及張力,整部片反而著重係點將4個故事連接而並非4線平衡/平均地發展,時間先後以及點接合並不重要,但故事中心太散及有點兒遊離,語言地域既不同所帶出既誤會阻隔及無力感只有從片名,啞女及ending電話一幕有較深的體現



<09/04/07:夜>
Photo Link

11 April 2007

Lunacy

~~Lunacy,Sílení(瘋狂療養院) - [2005]~~

史雲梅耶05年既新片,依然係語不驚人誓不休,有錢爵士荒誕及扭曲的任意妄為,在主角看來變態非常,何為正確及公義?自由與強權管治誰是誰非?思想既腐敗是否肉體上既punishment可以解決?精神病院入面打到人半死是否比傻佬的親切管治更為要好?究竟主角有病定係爵士變態又抑或Dr. Coulmiere殘忍?革命究竟係救贖定係另一個災劫?係依套戲入面好難作出裁決,但導演以新鮮牛肉,舌頭, 眼球及腦作為象徵手法好過癮,淺白而幽默,將所要講既野更為形象化,但可能要表達既主題太嚴肅,令套片不能放得太盡,但欣賞佢既片真係娛樂性十足,故事及畫面往往出人意表,依個反而係有趣既地方

<09/04/07:日>
Photo Link

09 April 2007

Blood Diamond

~~Blood Diamond(血鑽) - [2006]~~

好耐冇睇過Leonardo d戲,依然係一貫的好演技,印象中對上一套應該係Marvins room, shit原來10年了,哈哈,經過10年,佢外型真係成熟了不少,Jennifer Connelly亦都好耐冇睇過,雖然佢唔多產,但check過都差唔多年年有d,發覺原來好多hollywood movie我都錯過了,Anyway,依套故事中心沈重,故事描述及戰爭場面拍攝得不錯,父子及Leonardo既轉變亦尚算流暢,令人感覺到blood diamond既可悲,比純hollywood action movie黎講多了一分內涵

<08/04/07:夜>
Photo Link

Madonna - The Confessions Tour


等左好耐先有機會日頭係屋企睇依個Concert,隻碟個logo係一隻馬,心諗唔知攪咩,但個concert一開場已知咩事,很sm很madonna的感覺,亦成功地做就出千呼萬喚始出來之感,之後既幾場亦十分正,Like a virgin隻馬,Jump既Yamakasi式舞蹈編排,以及Confessions既獨白式solo直至isaac果場鷹既design都好正,加上dvd既大量後期製作,慢鏡以及重疊形象,令視覺效果更好,每一場都好可以獨立做個mv出黎,好似拍戲咁計算非常準確娛樂性十足,但之後中段既2-3場有少少靜左落黎,好在ending果幾場走番去80年代編排,很正一d都唔outdated,當中帶出的戰爭,疾病及環境感覺不錯,心諗一個咁大型既concert究竟要籌備幾耐? Anyway,一個不能錯過的concert,特別係當你用projector配上5.1音響時 =P

<08/04/07:日>

08 April 2007

Feast

~~Feast(異獸戰) - [2005]~~

幾個月前已聽過此片不能錯過,一開頭果然很Class B的感覺,強勁既結他聲加上一大堆人物配上簡短介紹及外號,好鬼死Tarantino格,依套戲節奏非常快,整件事發生係酒吧入面,又噴晒血咁不期然令我諗起Shaun Of The Dead同From Dark Till Dawn,套片除血腥外,好多場面及人物設計都好好笑,怪獸噴口水一幕真係笑到收唔到聲,Ending亦保持了一貫cult片的格局,d角色唔死鬼晒已經偷笑了,但可能budget問題,好多鏡頭都係搖鏡及燈光就帶過左,睇得令人有點頭暈,anyway,整體黎講除上次nightwatch及The Host外,依套係近期令我睇得幾開心的cult片
<07/04/07:夜>
Photo Link

07 April 2007

奏出我未來

~~For Horowitz(奏出我未來) - [2006]~~

電影橋段一貫的老土,但拍得尚算溫馨感人,加上女角嚴正花我非常喜愛,此女子有別於一般韓國明星,美艷得黎帶點倔強,所以睇依套戲時有點兒偏心,哈哈

<07/04/07:日>

06 April 2007

下午狗叫

~~Mid-afternoon Barks(下午狗叫) - [2006]~~

唔知點形容依套片,只知係比較少睇既電影類型,一路睇一路想究竟攪什麼,第一段"村與陌生人",孤單的男子無所事事行呀行,走到人煙稀少既村落,發了一個和同伴一起揼木柱的夢,第二段"城市,木頭,修理工",三人起初一齊揼好一條木柱,不為什麼但之後的故事發生在另一木柱旁,最後"西瓜與農夫",木柱正正坐落於西瓜檔旁邊,木柱油上白色,故事去到第三部份,木柱才真真正正的有其存在之意,很怪的一套片,全片以木柱旁邊的人及故事所連接,人物一個接一接,當中又相互交接,配上頗有趣的配樂及不停的狗吠聲,很獨特的電影經驗

<05/04/07:夜>
Photo Link

05 April 2007

World Animation For All (31st HKIFF)


很久沒看電影節,今年再度入場,亦繼承一貫自己之傳統,再一次欣賞百份百岩睇動畫,全部6個故事很不錯,看來我真的要對電影節人員再次建立信心
The Little Match Girl(France) - 老掉牙的故事一樣看得令人痛心

Conte de quartier(France) - 雖然我一直不愛看此類視覺混亂的臘筆塗鴉式動畫,但此片故事性強,一個公仔遊走於重建中的城市,人物之間的穿插互動很不錯

One Rat Short(America) - 一個零食袋帶出一隻街頭老鼠與實驗室白老鼠的短暫愛情,浪漫卻無奈
Family Ties - 肥肥外型的主角借一段婚禮錄像帶出種種趣怪現象,狗仔常在你左右,雖則狗仔可愛而活潑,但出來的效果果真令人生厭

Guide Dog(America) - Bill Plympton的動畫一向幽默性強,畫面簡單而直接,好笑非常,但對比起前作 I Married a Strange Person,此片血腥及暴力情度大大減少

Printed Rainbow(India) - 年邁的老婆婆,生活枯燥而重複,每日只靠火柴盒上的彩色畫面,活出不一樣的色彩人生,少少的悶場但看至ending的畫面亦令人感到窩心

<05>

04 April 2007

Thank You For Smoking

~~Thank You For Smoking(銘謝吸煙) - [2005]~~

很正很幽默的一套movie,一開場以煙仔包裝做opening,幾有趣,主角美其名為煙草研究學院既副主席,但其實係為煙草公司做發言人,以扭橫節曲的手法protect香煙既合法性及價值觀,三人一組既MOD(Merchants of Death)言論更加有趣,當中既組織名真係笑爆,成套戲諷刺性極強,手法流暢而幽默,非美國觀眾亦睇得開心明白,不錯

<03/04/07:夜>

02 April 2007

梁山伯與茱麗葉

曹格 & 卓文萱 - 梁山伯與茱麗葉
一首近來幾喜歡既歌



London to Brighton

~~London to Brighton(亡命英倫) - [2006]~~

一開始不停賣弄關子,手法有點似曾相識,一路睇一路擔心電影會走向公式化,倒序手法司空見慣(慶幸起首的倒序並非由火車一幕開始),音樂亦公式得很(逃走一定要配上techno嗎?),象徵手法老土,精心凝造的高潮位亦毫不突出,睇得出導演手法幼嫩,但話雖如此,整套電影公式得黎穩穩陣陣,鏡頭,背景以至對演員的感覺都很raw,似在淡淡看著他人的一個故事

<01/04/07:夜>